Hezekeli 27:15 - Siswati 1996 Bible

¹⁵ “ ‘Emadvodza aseDedani atsengiselana nawe, nemave lamanyenti langaselwandle abekutsengisela kakhulu; abuyisela kuwe ematinyo etindlovu netigodvo letimnyama temsimbithi.

Hezekeli 27:15 Referencias Cruzadas

Genesisi 10:7

Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

Genesisi 25:3

Jokshane watala boSheba naDedani. KuDedani ngulapho kwavela khona ema-Ashuri, nemaLethushi, nemaLewumi.

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

1 Tikhronike 1:32

Emadvodzana latalwa nguKhetura, singani sa-Abrahama, bekubo-Zimrani, naJokshane, naMedani, naMidiyani, na-Ishbaki, naShuwa. Emadvodzana aJokshane bekuboSheba naDedani.

1 Tikhronike 1:9

Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

2 Tikhronike 9:21

Inkhosi yayinemikhumbi leminyenti yekuhweba elwandle; lemikhumbi yayinemadvodza akaHiramu. Kanye ngeminyaka lemitsatfu yayibuya yetfwele igolide, nesiliva, nematinyo etindlovu, netinkawu kanye netimfene.

Isaya 21:13

Leli livi lesembulo lelimacondzana ne-Arabiya lelitsi: Nine ludvwendvwe lwemakamela akaDedani, nine lenimisa emavungwini ase-Arabiya,

Jeremiya 25:23

iDedani, neThema, neBuze, nabo bonkhe labasetindzaweni letikhashane;

Jeremiya 49:8

Jikani nibaleke, bhacani emigedzeni leshonako, nine lenihlala eDedani, ngobe ngiyakwehlisela inhlekelele ka-Esawu, ngesikhatsi nangimjezisa.

Hezekeli 25:13

ngako-ke, naku lokushiwo yiNkhosi Simakadze, itsi: Ngiyakwelula sandla sami ngimelane na-Edomu, ngibulale bantfu bakhe netilwane takhe. Ngiyakumenta abe lihlane, kusukela eThemani kuze kuyewufika eDedani bayawubulawa ngenkemba.

Hezekeli 27:20

“ ‘BaseDedanki bona babetsengiselana nawe ngetingubo tetihlalo temahhashi.

Hezekeli 38:13

BaseSheba, nebaseDedani, nebahwebi baseThashishi nebakuyo yonkhe imiti yayo bayawutsi kuwe: “Utewuphanga yini? Lolucucaba lwakho ulubutsele kutasemuka timphahla yini, wetfwale isiliva kanye negolide, utsatse tifuyo netimphahla, utsatse nemphango lenyenti?” ’

Sembulo 18:12

imphahla yegolide, neyesiliva, neyematje ladulile, neyemapharele, neyelineni lecolisakele, nalebubendze, neyesilika, nalebovu, neyato tonkhe tihlahla temakha, naletentiwe ngematinyo etindlovu, nato tonkhe letilitfusi, netensimbi, netemabuli,