Hezekeli 26:17 - Siswati 1996 Bible

¹⁷ Bayawube sebadzindza sililo macondzana nawe, batsi: “ ‘Awu, dolobha lelidvume kangaka, ubhujiswe kanjani, bewugcwele emadvodza aselwandle! Wawungemandla etikwetilwandle, wena kanye nebantfu labahlala kuwe; wagcwalisa ngekwesaba bonkhe lababehlala lapho.

Hezekeli 26:17 Referencias Cruzadas

2 Samuweli 1:19

“Bukhosi bakho, Israyeli, bulele phansi, bubulawelwe etintsabeni. Emachawe lanemandla kakhulu asawile!

Isaya 14:12

“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!

Isaya 23:4

Bani nemahloni, wena Sidoni, bani nemahloni, nawe nqaba yaselwandle, ngobe lwandle selukhulumile lwatsi: “Angikaze ngibe nemhelo, kantsi futsi angikaze ngitale umntfwana. Angizange ngikhulise emadvodzana, nemadvodzakati futsi angizange ngiwakhulise.”

Isaya 23:8

Ngubani lowahlela lokulwa neThire, lidolobha lebukhosi, lelibahwebi balo batikhulu, nebatsengisi balo bahlonishwa emhlabeni wonkhe?

Jeremiya 48:39

“Maye kufabaka kwayo! Maye, bayalila bo! Hhawu, kushwebheta kwaMowabi sekuyindlisamahloni kuyo; Mowabi sewugucuke waba yintfo yekuhlekisa, waba yintfo nje yekwesabisa kubo bonkhe labakhelene naye.”

Jeremiya 50:23

Maye, kubhidlitwa nekuhhohloka kwesandvo sawo wonkhe umhlaba! Maye, icitsiwe iBhabhulona emkhatsini wetive!

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Jeremiya 7:29

Hhulani tinwele tenu, nine bantfu baseJerusalema, nitilahle, nilile sililo emagcumeni laphakeme, ngobe Simakadze usilahlile, wasishiya lesitukulwane lesingaphansi kwelulaka lwakhe.’ ”

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Sililo 1:1

Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Hezekeli 19:1

“Phakamisa sililo ulilele tikhulu taka-Israyeli, utsi:

Hezekeli 19:14

Umlilo wabhebheteleka kulelinye lemagala aso lamakhulu wadla titselo taso. Kute nalinye ligala lelicinile lelisasele kuso lelilungele kutsi libe yindvuku yebukhosi.’ “Lesi-ke sililo, lesaba sililo lesisetjentiswa njalo nje.”

Hezekeli 32:16

“Lesi sililo labayakuyihlabelela sona. Emadvodzakati etive ayakusihlabela; ngobe ayawulilela iGibhithe neticumbi tayo, kusho iNkhosi Simakadze.”

Hezekeli 32:2

“Ndvodzana yemuntfu, lila, ulilele Faro, inkhosi yaseGibhithe, utsi: “ ‘Ufanana nelibhubesi emkhatsini wetive; ufanana nanyokangwenya etilwandle, ushaya lidamu emifudlaneni yakho, uphehle emanti ngetinyawo takho, udvunge lemifudlana.

Hezekeli 32:23

Emathuna abo asekujuleni kwemgodzi, nemphi yayo ilala itungelete lithuna layo. Bonkhe labo lababange kutfutfumela eveni lalabaphilako bagwaziwe, balahlwa phansi ngenkemba.

Hezekeli 32:27

Abalali yini kanye nalamabutfo langakasokwa lasabulewe, lehlele phansi ethuneni kanye netikhali tawo temphi, latinkemba tawo tabekwa ngaphansi kwetinhloko tawo? Sijeziso ngetono tawo sahlala ematsanjeni awo, lite nome kwesatjwa kwalamabutfo kwase kulisibekele lelive lalabaphilako.

Joweli 1:18

Maye, tinkhomo tiyabhonsa! Imihlambi ihlakatekile, ngobe ayinalo lidlelo, ngisho nemihlambi yetimvu iyahlupheka.

Obadiya 1:5

“Kube bewungagcekezelwa ngemasela nome-ke ungenelwe tigelekece ebusuku, betingeke tatitapela ngekufuna kwato yini? Kube bavuni bemagelebisi bebete kuwe bebangete bawachulula kusale abe mbalwa yini? Kodvwa titsa tiyakunicitsa niphele nya.

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Joshuwa 19:29

Umnyele wawube sewujikela ngaseRama, ucondze eThire, lidolobha leliyinqaba, bese ujikela ngaseHosa, uphumele elwandle esifundzeni saseMahalabi nase-Akzibi,