Hezekeli 25:4 - Siswati 1996 Bible

⁴ ngako-ke ngiyawunikela ngani kuso sive sasemphumalanga kutsi nibe lifa laso; labo bantfu bayakumisa tinkambu tabo, bemise emathende abo emkhatsini wenu; bayawukudla titselo tenu, banatse nelubisi lwenu.

Hezekeli 25:4 Referencias Cruzadas

Genesisi 29:1

Jakobe wachubeka neluhambo lwakhe waya eveni lebantfu bangasemphumalanga.

2 Samuweli 12:26

Ngaleso sikhatsi Jowabe abesachubeka kulwa neRabha yema-Amoni, abesatfumbe inqaba yebukhosi.

1 Emakhosi 4:30

Kuhlakanipha kwaSolomoni kwaba kukhulu kunekuhlakanipha kwato tonkhe tati tasemphumalanga netaseGibhithe.

Isaya 1:7

Live lenu selilihlane, emadolobha enu asashiswe ngemlilo; bachamuki batsatsa sivuno semasimi enu embikwenu nibuka. Live lenu selilihlane, labhujiswa ngabo.

Isaya 41:2

Ngubani lochukulute lomunye kutsi esuke emphumalanga, wambitela ekulungeni kutsi ahlangabetane nekuncoba kuso sonkhe sinyatselo? Tive utinikela kuye, atfobise emakhosi embikwakhe. Ngenkemba yakhe uyabagucula babe lutfuli, nangebutjoki bakhe uyabaphephula njengemakhoba.

Isaya 65:22

Bangeke baphindze bakhe tindlu, bese kuhlala labanye bantfu kuto, nome bahlanyele, bese kudla labanye. Ngobe njengemalanga esihlahla ayawuba njalo-ke nemalanga ebantfu bami. Labakhetsiwe bami bayawutijabulisa sikhatsi lesidze ngemisebenti yetandla tabo.

Sililo 1:14

“Tono tami taboshwa ngesandla sakhe taba lijoko. Watephotsela yena watihlanganisa, setikhuphukele entsanyeni yami, naSimakadze uwesusile emandla ami. Unginiketele kulabo lengingeke ngikhone kumelana nabo.

Hezekeli 25:10

IMowabi kanye nema-Amoni ngitabanikela esiveni lesisemphumalanga kutsi babe lifa laso, kuze kutsi ema-Amoni angaphindzi akhunjulwe emkhatsini wetive;

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Numeri 23:7

Bhalamu wakhuluma umlayeto wakhe, watsi: “Bhalaki wangisusa e-Aramu, inkhosi yakaMowabi, etintsabeni letingasemphumalanga, watsi: ‘Kota utengicalekisela Jakobe, ungijivazele Israyeli.’

Dutheronomi 28:33

Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.

Dutheronomi 28:51

Letitsa tiyawushwabudzela tifuyo tenu letisetincane, netitselo telive lenu, nize nibhubhe. Atiyikunishiyela mabele neliwayini lelisha, nemafutsa, nome nguliphi litfole lenkhomo nome lizinyane lemvu nome lembuti, nize nibhujiswe.

Tikhulu 6:33

Kwase kutsi onkhe emaMidiyani, nema-Amaleki, naletinye tive letatingasemphumalanga tahlangana tewelela ngesheya kweJordane, tayawumisa eSigodzini saseJezreyeli.

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.

Tikhulu 8:10

BoZeba naSalmuna babeseKhakhori kanye nemphi yabo leyayinemadvodza labengaba ti-15 000, bonkhe lababesele emabutfweni etive tangasemphumalanga. Kwase kufe emadvodza lati-120 000, tingwazi cobo lwato.