Hezekeli 24:3 - Siswati 1996 Bible

³ Tjela lendlu lehlubukako nankhu umzekeliso, utsi: ‘Naku lokushiwo yiNkhosi Simakadze, itsi: “ ‘Beka etiko lelibhodo lekupheka; libeke etiko, bese utsela emanti ekhatsi kulo.

Hezekeli 24:3 Referencias Cruzadas

2 Emakhosi 4:38

Elisha wancandzeka wabuyela eGilgali; bekunendlala kuleso sifundza. Satsi lesicumbi sebaphrofethi sisahlangene naye, wakhuluma kulenceku yakhe, watsi: “Ase ubeke libhodo lelikhulu etiko, uphekele nankha emadvodza sitjulo.”

Tihlabelelo 78:2

Ngitawufundzisa ngemifanekiso, ngikhulume imfihlakalo yasemandvulo.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 29:2

Noko ngiyakuvimbetela i-Ariyeli, iyawukhala ilile kimi, iyawuba njengelilati lemlilo.

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Jeremiya 1:13

Livi laSimakadze laphindza lefika kimi, latsi: “Ubonani?” Mine ngaphendvula ngatsi: “Ngibona libhodo lelibilako, litjekile lafulatsela inyakatfo.”

Jeremiya 1:14

Simakadze wakhuluma kimi, watsi: “Kusukela ngasenyakatfo kutawutfululwa inhlekelele, itseleke kubo bonkhe labahlala kulelive.

Hezekeli 11:11

Lelidolobha lingeke libe libhodo kini, nani futsi ningeke nibe yinyama lekulo, ngiyakwehlisela sigwebo kini ngaseminyeleni yaka-Israyeli.

Hezekeli 11:3

Batsi: ‘Kungeke yini kusheshe kube sikhatsi sekwakha tindlu? Lelidolobha lilibhodo lekupheka, tsine-ke siyinyama.’

Hezekeli 11:7

“Ngako-ke naku lokushiwo yiNkhosi Simakadze, itsi: Letidvumbu talabo lenibabulele lapho tiyinyama, lelidolobha lona lilibhodo, kodvwa ngitanikhipha kulo.

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 17:12

“Khuluma kulendlu lehlubukako, utsi: ‘Anati yini kutsi tisho kutsini letintfo?’ Shano kubo utsi: ‘Inkhosi yaseBhabhulona yaya eJerusalema yatsatsa inkhosi yakhona nalabahloniphekile bakhona, yeta nabo eBhabhulona.

Hezekeli 17:2

“Ndvodzana yemuntfu, beka imfumbe, utjele indlu yaka-Israyeli umfanekiso.

Hezekeli 2:2

Watsi asakhuluma, Moya wangena kimi wangisukumisa, ngema ngetinyawo tami, ngamuva akhuluma kimi.

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 2:5

Nome bayakulalela nome abakulaleli, ngobe phela bayindlu lenenkhani, kodvwa bayawukwati kutsi bekunemphrofethi emkhatsini wabo.

Hezekeli 2:6

Wena-ke, ndvodzana yemuntfu, ungabesabi ngisho nemavi abo. Ungesabi ngisho nome tinchachabutane nemanyeva sekukutungeletile, yebo, nome sewuhlala emkhatsini wabofecela. Ungakwesabi loko labakushoko, futsi ungesatjiswa ngibo, lite nome bayindlu yekuhlubuka nje.

Hezekeli 2:8

Kodvwa wena, ndvodzana yemuntfu, lalela loko lengikushoko kuwe. Ungahlubuki njengalendlu lehlubukako; vula umlomo wakho udle loko lengikunika kona.”

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Hezekeli 24:6

“ ‘Ngobe naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati, kulelo bhodo lese linetincwencwe, letincwencwe talo tingeke tisesuka. Khipha kulo licatsa ngalinye ngalinye ngaphandle kwekuwentela inkatho.

Hezekeli 3:9

Ngiyakwenta libunti lakho libe lukhuni njengelitje lelilukhuni kakhulu, libe lukhuni kwendlula litje lemlilo. Ungabesabi futsi ungetfuswa ngibo, lite nome bayindlu lehlubukako nje.”

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

Makho 12:12

Betama kubamba Jesu, kodvwa besaba ticuku tebantfu, ngobe babona kahle kutsi ngalomfanekiso ukhuluma ngabo, base bayamshiya, bahamba.

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.