Hezekeli 24:22 - Siswati 1996 Bible

²² Nani niyawukwenta njengobe nami ngentile. Aniyikulimbonya lingentansi lebuso benu, kantsi futsi ningeke nikudle kudla kwelisiko kwalabalilako.

Hezekeli 24:22 Referencias Cruzadas

Jobe 27:15

Sifo siyawuyicotfula insali yakhe, nebafelokati babo bangeke babalilele.

Tihlabelelo 78:64

Baphristi babo baba kudla kwenkemba, bafelokati babo abazange babalilele.

Jeremiya 47:3

nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Hezekeli 24:23

Imishuculo yenu nitakuyiyekela ibesetinhloko tenu netincabule tenu tisetinyaweni tenu. Ningeke nizile nome nilile, kodvwa niyawukondza ngenca yetono tenu, nibubule lomunye kulomunye.

Levithikusi 13:45

“Umuntfu lonalokusabulephelo kufanele agcoke emanikiniki, tinwele atiyekele tingemahlutse angatikami, ambonye umlomo wangetulu, akhale atsi: ‘Ngingcolile, ngingcolile!’