Hezekeli 24:17 - Siswati 1996 Bible

¹⁷ Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Hezekeli 24:17 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Tihlabelelo 39:9

Ngiyawuvala umlomo wami ngingasho lutfo, ngobe kunguwe longente ngahlupheka.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Isaya 20:2

ngaleso sikhatsi Simakadze wakhuluma nga-Isaya, umsa wa-Amose. Wakhuluma kuye, watsi: “Khumula lamasaka emtimbeni wakho, naletincabule lapha etinyaweni takho.” Wakwenta loko Isaya, wahamba asangcunu, angakafaki lutfo nasetinyaweni.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Hezekeli 24:18

Ngako ngakhuluma kubantfu ekuseni, kwatsi entsambama umkami wafa. Ngakusasa ekuseni ngenta njengobe ngangitjeliwe.

Hezekeli 44:18

Kufanele bashucule ngemishuculo yelineni etinhloko tabo, netimphahla tabo tangaphansi tibe telineni etinkhalo tabo. Akukafaneli bembatse nome ngabe yini letabenta bajuluke.

Hoseya 9:4

Bangeke bayitfululele kuSimakadze iminikelo yeliwayini, kantsi nemihlatjelo yabo ingeke imjabulise. Imihlatjelo lenjalo kubo iyawufanana nesinkhwa salabalilako; bonkhe labayidlako bayawungcola ngekwemtsetfo. Lokudla kuyawuba kwabo; kungeke kungeniswe ethempelini laSimakadze.

Levithikusi 10:6

Mosi wakhuluma ku-Aroni nemadvodzana akhe bo-Eleyazare na-Ithamari, watsi: “Tinwele tenu ningatiyekeli tingemahlutse, kantsi netimphahla tenu akufuneki nitidzabule. Funa nitsi niyakwenta loko nife, nelulaka lwaNkulunkulu lwehlele sive sonkhe. Kodvwa ema-Israyeli wona avumelekile kutsi abazilele labazalwane babo lababulewe ngumlilo lophume kuSimakadze.

Levithikusi 13:45

“Umuntfu lonalokusabulephelo kufanele agcoke emanikiniki, tinwele atiyekele tingemahlutse angatikami, ambonye umlomo wangetulu, akhale atsi: ‘Ngingcolile, ngingcolile!’

Levithikusi 21:10

“ ‘UmPhristi Lomkhulu logcotjwe enhloko ngemafutsa, emkhatsini webanakabo, wangcweliselwa kutsi agcoke tembatfo tebuphristi, akayiwutiyekela tinwele tenhloko yakhe tingemahlutse, nome aklebhule kwekwembatsa kwakhe.

Amose 8:3

INkhosi Simakadze itsi: “Ngalelo langa, tingoma letihlatjelwa ethempelini tiyawujika tibe tekudzindza sililo. Kuyawuba nebunikilili betidvumbu letijikijelwe yonkhe indzawo. Kuyawuthula kutsi gudvu!”

Mikha 3:7

Labo lababona lokutako kusengakefiki bayawuhlazeka bative badliwa ngemahloni ngenca yekwehluleka kwabo. Bayawujabha, ngobe Nkulunkulu angasabaphendvuli.

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Matewu 9:23

Kwatsi Jesu asefikile endlini yalomphatsi, abona bashayi bemintjingozi nesicuku lesijokotelako,