Hezekeli 24:1 - Siswati 1996 Bible

¹ Ngemnyaka wemfica, enyangeni yelishumi, ngelilanga lelishumi, livi laSimakadze lefika kimi, latsi:

Hezekeli 24:1 Referencias Cruzadas

2 Emakhosi 24:12

Jehoyakhini, inkhosi yakaJuda, nenina, netinceku takhe, netikhulu takhe, kanye netindvuna takhe bavele baphakamisa tandla bashweleta kuye. Ngemnyaka wesiphohlongo wekubusa kwenkhosi yaseBhabhulona, lenkhosi yatfumba Jehoyakhini, waba siboshwa.

Jeremiya 39:1

IJerusalema yatfunjwa kanjena-ke: Ngemnyaka wemfica wekubusa kwaSedekiya, inkhosi yakaJuda, ngenyanga yelishumi, Nebukhadnezari, inkhosi yaseBhabhulona, washuca wayawuhlasela iJerusalema, washuca nayo yonkhe imphi yakhe wayivimbetela.

Jeremiya 52:4

Kwatsi ngemnyaka wemfica wekubusa kwaSedekiya, ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca wayawuhlasela iJerusalema kanye nawo onkhe emabutfo ayo. Bemisa ngephandle kwelidolobha, bakha tivimbetelo letatilitungeleta lonkhe.

Hezekeli 1:2

Kwatsi mhlazana tisihlanu enyangeni, ngemnyaka wesihlanu inkhosi Jehoyakhini yatfunjwa,

Hezekeli 20:1

Kwatsi ngemnyaka wesikhombisa, enyangeni yesihlanu, ngelilanga lelishumi, labanye baholi bema-Israyeli beta batawutibutela kuSimakadze, befika bahlala phansi embikwami.

Hezekeli 23:49

Nine niyakusetfwala lesijeziso seluntjingintjingi lwenu lwenkhanuko, netfwale nemiphumela yetono tenu tekukhonta tithico. Ngulapho-ke niyawungati khona kutsi mine ngiyiNkhosi Simakadze.”

Hezekeli 24:2

“Ndvodzana yemuntfu, libhale phansi lelilanga, lelilanga lona leli, ngobe inkhosi yaseBhabhulona seyivimbetele iJerusalema ngalo lelilanga.

Hezekeli 26:1

Ngemnyaka weli-11, ngelilanga lekucala lenyanga, kwefika livi laSimakadze kimi, latsi:

Hezekeli 29:1

Ngemnyaka welishumi, enyangeni yelishumi, ngelilanga leli-12, kwefika livi laSimakadze kimi, latsi:

Hezekeli 29:17

Kwefika livi laSimakadze kimi ngemnyaka wema-27, enyangeni yekucala, ngelilanga lekucala, latsi:

Hezekeli 31:1

Ngemnyaka weli-11, enyangeni yesitsatfu, ngelilanga lekucala, livi laSimakadze lefika kimi, latsi:

Hezekeli 32:1

Ngemnyaka weli-12, enyangeni yeli-12, ngelilanga lekucala, livi laSimakadze lefika kimi, latsi:

Hezekeli 32:17

Ngemnyaka weli-12, ngelilanga leli-15 lenyanga yekucala, livi laSimakadze lefika kimi, latsi:

Hezekeli 33:21

Ngemnyaka weli-12 wekutfunjwa kwetfu, enyangeni yelishumi, ngelilanga lesihlanu, indvodza leyayibaleke eJerusalema yeta kimi, yefika yatsi: “Lidolobha seliwile!”

Hezekeli 40:1

Kwatsi ngemnyaka wema-25 sitfunjiwe, ekucaleni nje kwemnyaka, tilishumi enyangeni, ngemnyaka weli-14 emvakwekuwa kweJerusalema, ngalona lelo langa nje sandla saSimakadze sasisetikwami, wangitsatsa wangiyisa khona.

Hezekeli 8:1

Ngemnyaka wesitfupha, enyangeni yesitfupha, ngelilanga lesihlanu, ngisahleti endlini yami ngikanye nebaholi bakaJuda bahleti embikwami, sandla seNkhosi Simakadze sehlela etikwami khona lapho.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”