Hezekeli 23:45 - Siswati 1996 Bible

⁴⁵ Kodvwa emadvodza lalungile ayakubalahla ngesijeziso salabasikati labagwadlako nalabacitsa ingati, ngobe batingwadla, ingati isetandleni tabo.

Hezekeli 23:45 Referencias Cruzadas

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

Jeremiya 2:34

Etingutjeni takho tekugcoka emadvodza atfola umnyombo wekuphila kwalabamphofu labangenacala, nome ungazange ubabambe bagcekeza. Noko ngetulu kwako konkhe loku,

Jeremiya 5:14

Ngako naku lokushiwo nguSimakadze Nkulunkulu longuSomandla, utsi: “Njengobe bantfu bakhulume lamavi, emavi ami ngitawenta abe ngumlilo emlonyeni wakho, labantfu babe tinkhuni letitawudliwa ngiwo.

Sililo 4:14

Nyalo baphrofethi nebaphristi sebadvukuta etitaladini njengemadvodza latimphumphutse. Tingubo tabo setishone ingati, tadzimate tangcola lokwekutsi sekute namunye lofisa nekutitsintsa ngesandla tembatfo tabo.

Hezekeli 22:3

utsi: ‘Naku lokushiwo yiNkhosi Simakadze, itsi: Awu, wena dolobha lelitiletsela lona imbhubhiso ngekucitsa ingati ekhatsi kulo, liphindze litingcolise ngekwakha tithico,

Hezekeli 23:24

Bayakuta batekumelana nawe ngetikhali, nangetincola temphi, nangetinkalishi, nesicumbi sebantfu; bayawutsatsa tindzawo tabo bamelane nawe yonkhe indzawo ngemahawu lamakhulu nalamancane, bafake timphantitje enhloko. Ngiyawukunikela kubo kutsi bakujezise, futsi bayakukujezisa njengekwehlulela kwabo.

Hezekeli 23:44

Balala naye njengobe emadvodza alala nengwababane, alala kanjalo-ke nalamantfombatane labephetfwe luntjingintjingi lwenkhanuko, bo-Ohola na-Oholibha.

Hezekeli 24:7

“ ‘Ngobe lengati leliyicitsile isekhatsi kulo: Layitsela edvwaleni lelingenalutfo; alizange liyitsele emhlabatsini, lapho beyitawumbonywa khona lutfuli.

Hoseya 2:2

“Yekhutani make wenu, mekhuteni, ngobe akasesiye umkami, nami angisesiyo indvodza yakhe. Ase akususe lokubukeka kwebugwadla ebusweni bakhe, nalokungetsembeki lokusemkhatsini wemabele akhe.

Hoseya 6:5

Ngako-ke nganishaya nganijuba ticucu ngemavi ebaphrofethi bami, nganibulala ngemavi emlomo wami; tehlulelo tami timanyata njengembane etikwenu, tinehlele nome nini.

Levithikusi 20:10

“ ‘Nangabe indvodza iphinga nemfati walenye indvodza, nome yamakhelwane wayo, bobabili, lesiphingi nalesiphingikati, kufanele babulawe.

Levithikusi 21:9

Nangabe indvodzakati yemphristi itingcolisa ngekugwadla, ihlazisa uyise, iyawushiswa ngemlilo ize ife.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”