Hezekeli 22:26 - Siswati 1996 Bible

²⁶ Baphristi balo bephula umtsetfo wami bahlambalate tintfo tami letingcwele; abehlukanisi emkhatsini walokungcwele nalokutintfo nje; bafundzisa kutsi kute umehluko emkhatsini walokuhlantekile nalokungcolile ngekwemtsetfo; bavala emehlo abo bangakunaki kugcina emaSabatha ami, khona ngitewuhlanjalatwa emkhatsini wabo.

Hezekeli 22:26 Referencias Cruzadas

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Jeremiya 15:19

Ngako-ke naku lokushiwo nguSimakadze, utsi: “Nawuphendvuka, ngiyawukubutsa, khona utekungikhonta; nawukhuluma emavi lafanelekile, hhayi emavi langenamsebenti, uyawuba lincusa lami. Labantfu abagucukele kuwe, kodvwa wena ungagucukeli kubo.

Jeremiya 2:8

Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Hezekeli 22:8

Utedzelele tintfo tami letingcwele, wawona emaSabatha ami.

Hezekeli 23:38

Baphindze bakwenta kimi loku: Ngasona leso sikhatsi bangcolisa indzawo yami lengcwele, bangete bawahlonipha nemaSabatha ami.

Hezekeli 36:20

Yonkhe indzawo lapho baya khona etiveni balihlambalata Libito lami lelingcwele, ngobe kwakukhulunywa ngabo kutsiwe: ‘Lesi sive saSimakadze, kodvwa noko kwakufanele balishiye live lakhe.’

Hezekeli 42:20

Ngako yabe seyikala lendzawo kuyo yonkhe imihlubulo yomine. Yayinelubondza lolwaluyitungeleta, kwakungemamitha labengaba ngema-250 budze, nemamitha labengaba ngema-250 bubanti, lwehlukanisa lokungcwele kulokungengcwele.

Hezekeli 44:10

“ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Hezekeli 44:23

Kufanele bafundzise bantfu bami umehluko emkhatsini walokungcwele nalokungengcwele, babakhombise kwehlukanisa emkhatsini walokungcolile nalokuhlantekile ngekwemtsetfo.

Hezekeli 44:24

“ ‘Kuyo yonkhe imibango, baphristi kufanele babe behluleli, bakhiphe sincumo lesihambisana netimiso tami. Kufanele bayigcine imitsetfo yami netimiso tami tayo yonkhe imikhosi yami lebekiwe, bagcine nemaSabatha ami angcwele.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Levithikusi 10:10

Kufanele nente umehluko emkhatsini walokungcwele nalokungengcwele, nemehluko emkhatsini walokuhlantekile ngekwemtsetfo nalokungcolile ngekwemtsetfo.

Levithikusi 11:47

“ ‘Ngiyo letawunenta nikwati kwehlukanisa tilwane letingcolile naletihlantekile, nehlukanise nasemkhatsini wetilwane letiphilako lekufanele tidliwe netilwane letiphilako lekungakafaneli tidliwe.’ ”

Levithikusi 13:43

Umphristi kufanele ayihlolisise; nangabe lesilondza sibovu sakubamhlophe njengebulephelo,

Levithikusi 20:25

Ngako-ke kufanele niwente umehluko emkhatsini wetilwane letihlantekile naletingcolile ngekwemtsetfo, nasemkhatsini wetinyoni letihlantekile naletingcolile ngekwemtsetfo. Ningatingcolisi nome ngangusiphi silwane nome yinyoni nome ngayini lehamba emhlabatsini, leto lenginehlukanisele tona kutsi tingcolile kini.

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Malakhi 2:8

Kodvwa nine senisukile kuleyo ndlela, kwatsi ngalemfundziso yenu nakhubatelisa bantfu labanyenti, bawa; nisephulile sivumelwane sami naLevi,” kusho Simakadze longuSomandla.

KubaseRoma 2:24

Kubhaliwe kutsi: “Ngenca yenu, betive bahlambalata ligama laNkulunkulu.”

1 Samuweli 2:22

Eli abesamdzala kakhulu, wakuva konkhe loko lokwakwentiwa ngemadvodzana akhe esiveni sonkhe sema-Israyeli, weva nekutsi emadvodzana akhe alalana kanjani nalabasikati lababekhonta ekungeneni kwelithende lekuhlangana.

1 Samuweli 2:29

Manje-ke niwubukelani ngeliso lelibukhali lomhlatjelo wami nalomnikelo wami lengawukhetsela indzawo yami yekuhlala? Wentiwa yini lokutsi uhloniphe kakhulu emadvodzana akho kunekutsi uhloniphe mine, nitikhuluphalise nine ngekutikhetsela lokunonile kwayo yonkhe iminikelo leyentiwa sive sami sema-Israyeli?’