Hezekeli 22:2 - Siswati 1996 Bible

² “Ndvodzana yemuntfu, uyakulehlulela yini? Uyakulehlulela yini lelidolobha lekucitsa ingati? Ngako lisukele umelane nalo ngato tonkhe tento talo letisinengiso,

Hezekeli 22:2 Referencias Cruzadas

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 2:34

Etingutjeni takho tekugcoka emadvodza atfola umnyombo wekuphila kwalabamphofu labangenacala, nome ungazange ubabambe bagcekeza. Noko ngetulu kwako konkhe loku,

Hezekeli 11:6

Nibulele bantfu labanyenti kulelidolobha, titaladi talo natigcwalisa ngetidvumbu.

Hezekeli 20:4

“Utawubehlulela yini, ndvodzana yemuntfu? Nakunjalo-ke, besukele ubacondze ngetintfo letisinengiso letentiwa boyise,

Hezekeli 22:1

Livi laSimakadze lefika kimi, latsi:

Hezekeli 22:3

utsi: ‘Naku lokushiwo yiNkhosi Simakadze, itsi: Awu, wena dolobha lelitiletsela lona imbhubhiso ngekucitsa ingati ekhatsi kulo, liphindze litingcolise ngekwakha tithico,

Hezekeli 24:6

“ ‘Ngobe naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati, kulelo bhodo lese linetincwencwe, letincwencwe talo tingeke tisesuka. Khipha kulo licatsa ngalinye ngalinye ngaphandle kwekuwentela inkatho.

Hezekeli 24:9

“ ‘Ngako-ke, naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati! Nami futsi ngiyawufumbela tinkhuni timponge.

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Nahume 3:1

Maye kulo lidolobha lengati leligcwele emacebo, naleligcwele imphango, nalelingabesweli bantfu lekubahlupha.

Matewu 23:35

kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempeli nelilati.

Matewu 27:25

Sonkhe sive saphendvula satsi: “Ingati yakhe ayibesetikwetfu nasetikwebantfwana betfu!”

Lukha 11:50

Ngako yonkhe ingati yebaphrofethi leyacitfwa seloku kwasekelwa umhlaba iyawubitwa etikwalesitukulwane,

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.

1 kuThimothi 5:20

Labo labonako ubasole ubekhute embikwabo bonkhe, khona nalabo labanye batewuhlala ngekwesaba.