Hezekeli 22:10 - Siswati 1996 Bible

¹⁰ Kuwe kunalabo labalalana nabomkayise, ekhatsi kuwe kunalabo labalala nebesifazane nabasesikhatsini basesengcolile ngekwemtsetfo.

Hezekeli 22:10 Referencias Cruzadas

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 49:4

Njengobe uyaluka njengemanti nje, kodvwa utawulahlekelwa kuba yingcwele kwakho, ngobe walala nenyoko lomncane, wangcolisa umbhedze wami.

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

Hezekeli 18:6

Akadleli etindvumbeni tetithico letisetintsabeni, akabuki futsi kuletithico tendlu yaka-Israyeli. Akamoni nemfati wamakhelwane wakhe, nome-ke alale nemfati losesikhatsini.

Levithikusi 18:19

“ ‘Ungasondzeli kulomsikati utewulala naye, kantsi usangcoliswe kubasesikhatsini.

Levithikusi 18:6

“ ‘Ungalali nesinini sakho. NginguSimakadze.

Levithikusi 20:11

Nangabe indvodza ilala nemkayise, seyimhlazisile uyise. Bobabili, lendvodza nalomfati, kufanele babulawe; ingati yabo iyawubasetikwabo.

Levithikusi 20:18

Nangabe indvodza ilala nalomsikati asesesikhatsini, lendvodza seyembule kopha kwalona lomsikati, kantsi-ke vele naye sewukugwabulile loko kopha kwakhe. Bobabili kufanele bancunywe esiveni sakubo.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

Dutheronomi 27:20

“ ‘Ucalekisiwe umuntfu lolala nemkayise, ngobe uhlambalata licansi leyise.’ “Bonkhe bantfu bayawuphendvula batsi: ‘Amen.’

Dutheronomi 27:23

“ ‘Ucalekisiwe umuntfu lolala neninatala.’ “Bonkhe bantfu bayawuphendvula batsi: ‘Amen.’