Hezekeli 21:7 - Siswati 1996 Bible

⁷ Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Hezekeli 21:7 Referencias Cruzadas

2 Samuweli 17:10

Lapho-ke ngisho nengwazi lenenhlitiyo lenjengeyelibhubesi itawuncibilika ngenca yekwesaba, ngobe wonkhe um-Israyeli uyati kutsi babe wakho yingwazi yelucobo, nekutsi laba labanaye ngemadvodza sibili, anesibindzi.

2 Emakhosi 21:12

Ngako-ke naku lokushiwo nguSimakadze Nkulunkulu wema-Israyeli, utsi: ‘Ngitakwehlisela inhlekelele eJerusalema nakaJuda, kangangekutsi tindlebe talowo loyawuva ngayo tiyawuncencetsa.

Tihlabelelo 58:7

Abashabalale njengemanti lageletako, abuye ashone phansi esihlabatsini; imicibisholo yabo ayibe tidlindzi nabajijimeta ngayo.

Eksodusi 15:15

Tikhulu taka-Edomu tiyakwesaba, tichwaga takaMowabi titfutfumele, takhamiti taseKhenani tiphele emandla,

Isaya 13:7

Ngenca yaloko, tonkhe tandla tiyawujikita, inhlitiyo yabo bonkhe bantfu iphelelwe ngemandla,

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Isaya 35:3

Cinisani tandla letibutsakatsaka, nikhutsate emadvolo lacekako.

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Jeremiya 26:12

Jeremiya wase ukhuluma kuto tonkhe letiphatsimandla nakubo bonkhe labantfu, watsi: “Simakadze ungitfumile kutsi ngitewuphrofetha ngalendlu nangalelidolobha tonkhe letintfo lesenitivile.

Jeremiya 49:23

Macondzana neDamaseko: “IHamathi ne-Aphadi kujabhile, ngobe kuve tindzaba letimbi. Kuphelelwe tinhlitiyo, kugubhutele njengemagagasi elwandle.

Jeremiya 50:43

Inkhosi yaseBhabhulona ive imibiko ngabo, nyalo imikhono yayo seyiyalenga nje, kucacamba kwenhlitiyo sekuyibambile, iminjunju lenjengeyemfati nakaphetfwe ngumhelo.

Jeremiya 8:18

Kute likhambi kulolusizi lwami, inhlitiyo yami iselusizini.

Sililo 5:17

Ngenca yako konkhe loku tinhlitiyo tetfu tidzabukile, nangenca yato tonkhe letintfo emehlo etfu ayadvumba,

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Hezekeli 21:15

Kuze tinhlitiyo titewujabha, nalabawile babe banyenti, inkemba sengiyimisele kugwaza kuwo onkhe emasango abo. Awu! Yentelwe kumanyatela njengembane, ibanjelwe kugwaza.

Hezekeli 21:6

“Ngako-ke bubula, ndvodzana yemuntfu! Bubula embikwabo ngenhlitiyo leyephukile nalenelusizi lolukhulu.

Hezekeli 21:8

Livi laSimakadze lefika kimi, latsi:

Hezekeli 22:14

Siyawukuma yini leso sibindzi sakho? Tona tandla takho tiyawucina yini ngelilanga lengiyawubhekana nawe ngalo? Mine Simakadze sengikhulumile, futsi ngitakwenta loko.

Hezekeli 24:19

Bantfu bangibuta, batsi: “Ungete wasitjela yini kutsi letintfo tiphatselene ngani natsi?”

Hezekeli 6:2

“Ndvodzana yemuntfu, buka ngasetintsabeni taka-Israyeli, phrofetha kuto, utsi:

Hezekeli 7:17

Tonkhe tandla tiyawube ticeka, nemadvolo onkhe ayawugedletela.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Levithikusi 26:36

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

Nahume 2:10

INineve seyiyabhujiswa, iphangiwe, ihlutjuliwe. Tinhlitiyo tiyancibilika, emadvolo ayaceka, imitimba iyatfutfumela, bonkhe buso buyaphaphatseka.

Lukha 21:26

bantfu bayawucaleka babe nesiyeti ngenca yekwesaba loko labayawube babheke kutsi kwenteke emhlabeni wonkhe; ngobe emandla emkhatsi ayawutanyatanyiswa.

Dutheronomi 20:8

“Baholi batawuchubeka bakhulume, batsi: ‘Kukhona yini indvodza leyesabako nome lenebugwala? Leyo ayincandzeke ibuyele ekhaya, khona bomnakabo bangetiwungenelwa bugwala nabo.’

KumaHebheru 12:12

Ngako-ke cinisani tandla tenu letibutsakatsaka nemadvolo enu lacekako;

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Joshuwa 7:5

labulala emadvodza langema-36 aka-Israyeli. Bawacosha ema-Israyeli bawesusa esangweni lelidolobha bayakuwangenisa eShebarimu, bawagwazela emaceleni etintsaba. Tinhlitiyo tesive sema-Israyeli natikubona loku, tashona phansi, taphelelwa ngemandla.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.