Hezekeli 21:6 - Siswati 1996 Bible

⁶ “Ngako-ke bubula, ndvodzana yemuntfu! Bubula embikwabo ngenhlitiyo leyephukile nalenelusizi lolukhulu.

Hezekeli 21:6 Referencias Cruzadas

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Jeremiya 19:10

“Bese-ke ubhidlita loludziwo embikwalabo lotabe uhamba nabo bakubukile,

Jeremiya 30:6

Butani nibone: Umuntfu lomdvuna wake wamtala yini umntfwana? Manje-ke kwenteka kanjani lokutsi ngibone onkhe emadvodza lanemandla abambe tisu njengemfati nakaphetfwe ngumhelo, onkhe anebuso lobugcungce kwekufa?

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Hezekeli 21:12

Khala ulile, ndvodzana yemuntfu, ngobe lenkemba imelene nesive sami; imelene nato tonkhe tikhulu tema-Israyeli. Tilahlelwe enkembeni kanye nesive sami. Ngako-ke yetfwala imikhono enhloko.

Hezekeli 21:5

Ngulapho-ke bonkhe bantfu bayawukwati khona kutsi mine Simakadze ngiyikhokhile inkemba yami emgodleni wayo; futsi ngingeke ngiphindze ngiyibuyisele.’

Hezekeli 21:7

Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Hezekeli 32:18

“Ndvodzana yemuntfu, lilela ticumbi tebantfu baseGibhithe, bese ubehlisela emhlabeni longaphansi, yona kanye nemadvodzakati etive letinemandla kanye nalabo labehlela emgodzini.

Hezekeli 37:20

“Bamba ngesandla sakho lemizaca yomibili lobhale kuyo, wentele kutsi bantfu bayibone,

Hezekeli 4:12

Lokudla ubokudla njenganawudla licebelengwane lebhali; ubokupheka embikwebantfu babuka, lomlilo uwubase ngemigodvo yebantfu leyomile.”

Hezekeli 6:11

“ ‘Naku lokushiwo yiNkhosi Simakadze, itsi: Yetfwalani tandla etinhloko, nishaye ngetinyawo phansi nikhale, nimemete, nitsi: “Maye!” ngenca yato tonkhe letento letimbi tendlu yaka-Israyeli; nyalo sebatawubulawa ngenkemba, nangendlala, nangesifo lesibulalanako.

Hezekeli 9:4

watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Nahume 2:10

INineve seyiyabhujiswa, iphangiwe, ihlutjuliwe. Tinhlitiyo tiyancibilika, emadvolo ayaceka, imitimba iyatfutfumela, bonkhe buso buyaphaphatseka.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.