Hezekeli 21:3 - Siswati 1996 Bible

³ ukhulume kulo, utsi: ‘Naku lokushiwo nguSimakadze, utsi: Ngimelene nawe. Ngitawukhokha inkemba yami emgodleni wayo, ngibabulale ngayo ngibesuse kuwe labalungile nalababi.

Hezekeli 21:3 Referencias Cruzadas

Jobe 9:22

Mine sekuyangifananela nje, ngiko nje ngitsi: ‘Ubhubhisa labalungile nalababi.’

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 80:17

Kodvwa shangatsi sandla sakho singamlondvolota, lowo longasesandleni sakho sekudla. Ngiyo indvodzana lotikhulisele yona.

Tihlabelelo 83:15

nawe badvungulule ngesivunguvungu sakho, ubetfuse ngesiphepho sakho.

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Umshumayeli 9:2

Bonkhe banasiphetfo sinye: labalungile nalabangakalungi, labahle nalababi, labahlantekile nalabangcolile, labenta imihlatjelo nalabangayenti. Njengobe kunjalo kumuntfu lolungile, kuyawuba njalo nakulosoni; nanjengobe kunjalo kulabo labenta tifungo, kutawuba njalo nakulabo labesaba kutenta.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 34:5

Inkemba yami seyinatse yenela emazulwini, bukani, yehla ngekwehlulela, yehlela kulaka-Edomu, sive lengitasibhubhisa ngisicedze.

Isaya 57:1

Lolungile uyabhubha, kubete nalotihluphako ngako enhlitiyweni yakhe. Bantfu labatinikelako bayesuswa, kubete nalokucondzako loko kutsi labalungile bayesuswa, kuze batewuphephiswa kulokubi.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 21:13

Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”

Jeremiya 21:14

Ngitanijezisa njengobe nifanelwe tento tenu. Emahlatsi enu ngitawokhela ngemlilo lotawucotfula konkhe lokusedvute nani, kusho Simakadze.’ ”

Jeremiya 50:31

“Buka la, ngimelene nawe, live lemaBhabhulona, awu, wena lotiphakamisako, ngobe lilanga lakho selifikile, sikhatsi sakho sekutsi ujeziswe,” kusho iNkhosi Simakadze lenguSomandla.

Jeremiya 51:20

“Ulizembe lami lemphi, nesikhali sami semphi, ngawe ngiphihlita tive, ngawe ngibhubhise imibuso.

Jeremiya 51:25

“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.

Hezekeli 13:8

“ ‘Ngako-ke naku lokushiwo yiNkhosi Simakadze, itsi: “Ngenca yemavi enu layinkhohliso nangemibono yenu lengemanga, ngimelene nani,” kusho iNkhosi Simakadze.

Hezekeli 14:17

“Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Hezekeli 21:19

“Ndvodzana yemuntfu, bekisa imigwaco lemibili lengeta ngayo inkemba yenkhosi yaseBhabhulona, yomibili isuke eveni linye. Mbela sikhombandlela lapho lomgwaco uphambuka khona ucondze edolobheni.

Hezekeli 24:9

“ ‘Ngako-ke, naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati! Nami futsi ngiyawufumbela tinkhuni timponge.

Hezekeli 26:3

Ngako-ke naku lokushiwo yiNkhosi Simakadze, itsi: Ngimelana nawe, wena Thire, futsi ngitakuvusela tive letinyenti tikuhlasele, njengelwandle nalugubha emagagasi alo.

Hezekeli 29:10

ngako-ke ngiyemelana nawe kanye nemifula yakho, live laseGibhithe ngiyawulenta libe yimfuhlululu, lisale likhala libhungane, kusukela eMigdoli kuye e-Aswani, kuze kuyewufika emnyeleni waseKushe.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:8

“Ngako-ke naku lokushiwo yiNkhosi Simakadze, itsi: Mine, matfupha, ngimelene nawe, Jerusalema, futsi ngiyawukushaya ngesijeziso embikwato letive tibukile.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Amose 5:6

Funanai Simakadze, nitewuphila, ngobe nakungenjalo, utawuhlasela lendlu yakaJosefa njengemlilo. Lomlilo utawukhotsisisa, iBetheli imeswele lotawucisha lowo mlilo.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.

Nahume 2:13

Simakadze longuSomandla utsi: “Mine ngiphambene nawe, Nineve. Tincola takho temphi ngitatishisa tibe yintfutfu, inkemba itawudla emazinyane akho elibhubesi, anginakushiyela nyamatane emhlabeni. Emavi etitfunywa takho angeke aphindze evakale.”

Nahume 3:5

Simakadze longuSomandla utsi: “Mine ngiphambene nawe, ngitawuphakamisa tidvwaba takho tibheke etulu. Tonkhe tive temhlaba ngitatikhombisa bungcunu bakho, nemibuso yemhlaba ngiyikhombise lihlazo lakho.

Zefaniya 2:12

“Nani futsi, maKushe, niyawubulawa ngenkemba yami.”

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”