Hezekeli 21:25 - Siswati 1996 Bible

²⁵ “ ‘Awu, mbusi waka-Israyeli, wena lohlambalatako nalokhohlakele, wena lolilanga lakhe selifikile, nalosikhatsi sakhe sekujeziswa sesifikile,

Hezekeli 21:25 Referencias Cruzadas

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Tihlabelelo 37:13

Kodvwa Simakadze uyamhleka lona lomubi, ngobe uyabona kutsi sekuyamphelela.

Tihlabelelo 48:13

Bukisisani tindvonga tayo, nihambahambe etindlini tayo tebukhosi, nize nilandzise netitukulwane letitako

Tihlabelelo 7:9

Ncandza bubi balababi, wakha lolungile, ngobe nguwe Nkulunkulu wekulunga lohlola tingcondvo netinhlitiyo.

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 49:1

Macondzana nema-Amoni: Naku lokushiwo nguSimakadze, utsi: “Israyeli akanamadvodzana yini? Ute yini tindlalifa? Kepha kwentiwa yini kutsi Moloki atsatse Gadi amente wakhe? Kwentiwa yini kutsi bantfu bakhe bahlale emadolobheni akhe?”

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Jeremiya 51:13

Wena lohlala ngasemantini lamanyenti futsi lonjingile ngemcebo, siphetfo sakho sesifikile, sikhatsi sakho sekutsi uncanyulwe.”

Jeremiya 52:2

Wenta lokubi emehlweni aSimakadze, njengobe naJehoyakimu abentile.

Hezekeli 17:19

“ ‘Ngako-ke naku lokushiwo yiNkhosi Simakadze, itsi: Ngifunga kuphila kwami, ngiyakwehlisela etikwenhloko yakhe lesifungo sami lasedzelele, kanye nalesivumelwane sami lasephulile.

Hezekeli 21:12

Khala ulile, ndvodzana yemuntfu, ngobe lenkemba imelene nesive sami; imelene nato tonkhe tikhulu tema-Israyeli. Tilahlelwe enkembeni kanye nesive sami. Ngako-ke yetfwala imikhono enhloko.

Hezekeli 21:24

“Ngako-ke naku lokushiwo yiNkhosi Simakadze, itsi: ‘Njengobe nine bantfu seningikhumbute ngelicala lenu ngekuhlubuka kwenu lokusebalenni, navumbulula tono tenu ngako konkhe loku lenikwentako, ngiko ngitsi njengobe-ke nente konkhe loku, nitawutfunjwa.

Hezekeli 21:29

Lite nome sekunemibono leyinkhohliso ngawe nekubhula lokungemanga ngawe, iyawubekwa etintsanyeni talababi lekufanele babulawe, labalilanga labo lekuphela selifikile, nalabasikhatsi sabo sekujeziswa sesifikile.

Hezekeli 25:5

Ngiyakuyigucula iRabha ibe lidlelo lemakamela, kutsi i-Amoni ngiyente ibe yindzawo yekuphumulela timvu. Ngulapho-ke niyawungati khona kutsi mine nginguSimakadze.

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 35:5

“ ‘Njengobe wafukamela butsa bakadzeni, wanikela ema-Israyeli enkembeni ngesikhatsi senhlekelele yawo, ngesikhatsi sesijeziso sawo sekuphela, ehlulelwa ngenca yalokubi kwawo,

Hezekeli 7:2

“Ndvodzana yemuntfu, naku lokushiwo yiNkhosi Simakadze, eveni laka-Israyeli, itsi: Kuphela! Kuphela sekufikile emagumbini omane elive.

Hezekeli 7:3

Siphetfo nyalo sesifikile kuwe, ngiyawutfululela lulaka lwami etikwakho. Ngiyakukwehlulela njengekutiphatsa kwakho, ngikukhokhele ngangekwetento takho tonkhe letinengekako.

Hezekeli 7:6

Kuphela sekufikile! Kuphela sekufikile! Sekufikile kulwa nawe. Sekufikile!

Amose 1:14

Ngako-ke ngitawulumeka umlilo etikwetibondza taseRabha lotawucotfula tonkhe tigodlo tayo emkhatsini webumayemaye bekukhala ngelilanga lekulwa imphi, nasemkhatsini wemimoya lenemandla, ngelilanga lesivunguvungu.