Hezekeli 21:23 - Siswati 1996 Bible

²³ Kuyawubonakala shangatsi lokuphengula kungemanga kulabo labafungele kuyihlonipha lenkhosi, kodvwa iyakubakhumbuta ngelicala labo ibatfumbe.

Hezekeli 21:23 Referencias Cruzadas

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

2 Emakhosi 24:20

Kwabangelwa yintfukutselo yaSimakadze lokutsi loku kwenteke eJerusalema nakaJuda, kwaze kwatsi ekugcineni wabesusa ebukhoneni bakhe. Sedekiya wase uyayivukela inkhosi yaseBhabhulona.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Hezekeli 11:3

Batsi: ‘Kungeke yini kusheshe kube sikhatsi sekwakha tindlu? Lelidolobha lilibhodo lekupheka, tsine-ke siyinyama.’

Hezekeli 12:22

“Ndvodzana yemuntfu, saga sini lesi leninaso lapha eveni laka-Israyeli, lesitsi: ‘Emalanga ayendlula, yonkhe imibono igucuka ibe lite’?

Hezekeli 21:24

“Ngako-ke naku lokushiwo yiNkhosi Simakadze, itsi: ‘Njengobe nine bantfu seningikhumbute ngelicala lenu ngekuhlubuka kwenu lokusebalenni, navumbulula tono tenu ngako konkhe loku lenikwentako, ngiko ngitsi njengobe-ke nente konkhe loku, nitawutfunjwa.

Hezekeli 29:16

IGibhithe ingeke isaba ngumtfombo wemandla esibindzi kubantfu baka-Israyeli, kodvwa iyawuba sikhumbuto sesono sabo, nabajikela kuyo bacela lusito. Ngulapho-ke bayawukwati khona kutsi mine ngiyiNkhosi Simakadze.’ ”

Numeri 5:15

lendvodza kufanele itsatse umkayo iye naye kumphristi. Kufanele iphatsele lomfati wayo umnikelo loyimphuphu yebhali lengemalitha langaba mabili. Kufanele ingawatseli emafutsa etikwayo nome ingayifaki nemphepho etikwayo, ngobe phela loko kungumnikelo walokutinhlavu lonikelelwa sikhwele. Lomnikelo wentelwe kutsi liciniso liphumele ebaleni.

Sembulo 16:19

Lidolobha lelikhulu lajubeka laba tincamu letintsatfu, nemadolobha etive abhidlika. Nkulunkulu wayikhumbula iBhabhulona lenkhulu, wayinatsisa endzebeni yentfukutselo yakhe.