Hezekeli 21:22 - Siswati 1996 Bible

²² Esandleni sayo sangesekudla kuyawuta inkatho yaseJerusalema, lapho itakwakha khona imigcala yekudzilita lubondza, iyale kutsi kugwazwe, kuhlatjwe umkhosi, nekutsi kwakhiwe imigcala yekudzilita macondzana nemasango, kwakhiwe lutsango netakhiwo tekuvimbetela.

Hezekeli 21:22 Referencias Cruzadas

2 Emakhosi 25:1

Kwatsi ngemnyaka wemfica wekubusa kwenkhosi Sedekiya ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca nemabutfo akhe onkhe, wahlasela iJerusalema. Bemisa ngephandle kwelidolobha, bakha tivimbetelo letalitungeleta lonkhe.

Jobe 39:25

Litsi licilongo lingakhala, litsi: ‘Nako-ke!’ Imphi liyiva ngeliphunga isesekhashane, liva netindvuna temphi tidla siga.

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 33:4

Ngobe naku lokushiwo nguSimakadze, Nkulunkulu wema-Israyeli, ngetindlu talelidolobha netigodlo temakhosi akaJuda letihhihlitelwe phansi kuze titewusetjentiswa ekukhuphuleni umtsangala wekutivikela kuletivimbetelo nakuyo inkemba

Jeremiya 4:16

“Khulumani loku etiveni, nikumemetele eJerusalema, nitsi: ‘Imphi letewuvimbetela iphuma eveni lelikhashane, isuse umsindvo wekuhlaba inyandzaleyo, kutsi kuhlaselwe emadolobha akaJuda.

Jeremiya 51:14

Simakadze longuSomandla utifunge yena, watsi: “Ngiyawukugcwalisa ngemadvodza, kube shangatsi ngemabulo etintsetse, bayawumemeta ngelivi lelikhulu bahalalise ngawe.”

Jeremiya 52:4

Kwatsi ngemnyaka wemfica wekubusa kwaSedekiya, ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca wayawuhlasela iJerusalema kanye nawo onkhe emabutfo ayo. Bemisa ngephandle kwelidolobha, bakha tivimbetelo letatilitungeleta lonkhe.

Hezekeli 26:8

Uyawuklabela tabelo tenu eveni lenu ngenkemba; uyawukwakha tinqaba tekuvimbetela nine, akhe lutsango lwekuvimbetela luze lufike elubondzeni lwenu, anihlasele ngekuphakamisa emahawu, alwe nani.

Hezekeli 26:9

Uyawucondzisa imijijimeto yakhe yemigcalakati yekubhidlita ngasetibondzeni takho, ashaye abhidlite imibhoshongo yakho ngetilimato takhe.

Hezekeli 4:2

Ubobe sewenta siboniso sekuvinjetelwa kwalo: Yakha tindvonga tekuvimbetela, wakhe lutsango lwekulivimbetela, umise tinkambu eceleni kwalo, bese ufaka imigcala yekulibhidlita ilitungelete,

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:13

“Intfukutselo yami-ke iyakube seyiyaphela, nelulaka lwami kubo lubohle, ngikhipheleke sibhongo. Ngiyawutsi nase ngilukhiphele kubo lulaka lwami, bayawukwati kutsi mine Simakadze sengikhulumile ngenshisekelo yami.

Amose 1:14

Ngako-ke ngitawulumeka umlilo etikwetibondza taseRabha lotawucotfula tonkhe tigodlo tayo emkhatsini webumayemaye bekukhala ngelilanga lekulwa imphi, nasemkhatsini wemimoya lenemandla, ngelilanga lesivunguvungu.

Joshuwa 6:10

Kodvwa Joshuwa sive sonkhe abesiyale, watsi kuso: “Ningacali nimemete ningasho lutfo, kuze kube lilanga lengitanitjela ngalo kutsi nimemete, nitawube seniyamemeta-ke!”

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.

1 Samuweli 17:20

Ekuseni ngakusasa Davide washiya timvu nemelusi, wetfwala umtfwalo wahamba, njengobe Jese abemtfumile, wefika enkambu ngesikhatsi emabutfo aphuma ema ngeticheme tawo ekhuta sicubulo semphi.