Hezekeli 21:15 - Siswati 1996 Bible

¹⁵ Kuze tinhlitiyo titewujabha, nalabawile babe banyenti, inkemba sengiyimisele kugwaza kuwo onkhe emasango abo. Awu! Yentelwe kumanyatela njengembane, ibanjelwe kugwaza.

Hezekeli 21:15 Referencias Cruzadas

2 Samuweli 17:10

Lapho-ke ngisho nengwazi lenenhlitiyo lenjengeyelibhubesi itawuncibilika ngenca yekwesaba, ngobe wonkhe um-Israyeli uyati kutsi babe wakho yingwazi yelucobo, nekutsi laba labanaye ngemadvodza sibili, anesibindzi.

Tihlabelelo 22:14

Ngicitseke njengemanti, emalunga ami onkhe ahhehlulukile, inhlitiyo yami igucuke yaba ngumtfwebeba, yancibilika ngekhatsi kwami.

Isaya 59:10

Njengemphumphutse, siphutsata indlela ngetandla sigudla lubondza, siphutsate indlela njengebantfu labate emehlo. Emini siyakhubatela kube shangatsi sekuhlwile, emkhatsini walabanemandla sinjengalabafile.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 18:15

Noko sive sami singilahlile mine; satfuncisa imphepho etithicweni letingenamsebenti, letabakhubatelisa etindleleni tabo nasemikhondvweni yakadzeni. Tabahambisa ngetindlela letijubako nangemigwaco lengakakhiwa kahle.

Hezekeli 15:7

Ngiyawubhekisa buso bami ngakubo ngimelane nabo. Nome baphumile emlilweni, noko lomlilo usetawubacedza. Ngesikhatsi ngibhekisa buso bami ngakubo ngimelana nabo, niyawukwati-ke kutsi mine nginguSimakadze.

Hezekeli 20:47

Khuluma kulo lihlatsi langaseningizimu, utsi: ‘Vani livi laSimakadze. Naku lokushiwo yiNkhosi Simakadze, itsi: Sekusedvute kutsi ngikulumeke ngemlilo, futsi utawushwabudzela tonkhe tihlahla takho, tonkhe letiluhlata naletomile. Lelilangabi lelilavukako lemlilo lingeke licishwe ngumuntfu, nabo bonkhe buso kusuka ngaseningizimu kuya enyakatfo buyawubhadliswa ngilo.

Hezekeli 21:10

ilolelwe kugwaza, ilolongwe kuze imanyatele njengembane! “ ‘Singajabula yini? Wena, ndvodzana yami uludzelele luswati nato tonkhe teluleko.

Hezekeli 21:16

Awu nkemba, gawula ubheke ngesekudla, bese uya ngesancele, nome ngukuphi lapho kudla kwakho kubheke ngakhona.

Hezekeli 21:19

“Ndvodzana yemuntfu, bekisa imigwaco lemibili lengeta ngayo inkemba yenkhosi yaseBhabhulona, yomibili isuke eveni linye. Mbela sikhombandlela lapho lomgwaco uphambuka khona ucondze edolobheni.

Hezekeli 21:22

Esandleni sayo sangesekudla kuyawuta inkatho yaseJerusalema, lapho itakwakha khona imigcala yekudzilita lubondza, iyale kutsi kugwazwe, kuhlatjwe umkhosi, nekutsi kwakhiwe imigcala yekudzilita macondzana nemasango, kwakhiwe lutsango netakhiwo tekuvimbetela.

Hezekeli 21:28

“Wenka-ke, ndvodzana yemuntfu, phrofetha, utsi: ‘Naku lokushiwo yiNkhosi Simakadze ngema-Amoni nangetinhlamba tawo, utsi: “ ‘Inkemba, inkemba, ikhokhelwe kugwaza, ilolongelwe kutsi ibhubhise, nekutsi imanyatele njengembane.

Hezekeli 21:7

Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Joshuwa 2:11

Satsi kube sikuve loko, tinhlitiyo tetfu tashona phansi, kwabate namunye lowasala anesibindzi emkhatsini wetfu ngenca yenu, ngobe Simakadze Nkulunkulu wenu nguye longuNkulunkulu ezulwini etulu, nasemhlabeni phansi.