Hezekeli 20:9 - Siswati 1996 Bible

⁹ Kodvwa ngenca yeLibito lami, ngenta loko lokwakungaligcina lingakonakali emehlweni etive labebahlala emkhatsini wato, nalengatembula embikwato kuma-Israyeli ngekubakhipha eveni laseGibhithe.

Hezekeli 20:9 Referencias Cruzadas

Tihlabelelo 106:8

Noko, Simakadze wabasindzisa, ngenca yelibito lakhe, kuze abonakalise emandla akhe lamakhulu.

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Hezekeli 20:14

Kodvwa ngenca yeLibito lami, ngenta loko lokwakungaligcina lingakonakali emehlweni etive, leto lengangibakhiphe embikwato.

Hezekeli 20:22

Kodvwa ngasibamba sandla sami, nangenca yeLibito lami ngenta loko lokwakungaligcina lingakonakali emehlweni etive leto, lengangibakhiphe embikwato.

Hezekeli 39:7

“ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.

Dutheronomi 9:28

Nakungenjalo, lesive lowasikhipha kuso sitawutsi: “Kungobe Simakadze wehluleka kubangenisa kulelive labebatsembise lona, kantsi futsi kungobe abebatondza, ngako wabakhiphela kutawubabulalela ehlane.”

Joshuwa 2:10

Sivile kutsi Simakadze walomisa kanjani Lwandle Lolubovu embikwenu ngesikhatsi niphuma eGibhithe, nekutsi nentani kuSihoni na-Ogi, emakhosi lamabili ema-Amori, lenawabhubhisa ngelusiko lwenkemba ngasemphumalanga kwemfula iJordane.

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.

1 Samuweli 4:8

Maye kitsi! Ngubani lotasikhulula esandleni salabonkulunkulu labanemandla kangaka? Ngulabonkulunkulu labashaya emaGibhithe ehlane ngetishayo letimbi letehlukene.