Hezekeli 19:7 - Siswati 1996 Bible

⁷ Labhidlita tinqaba tabo, labhubhisa nemadolobha abo. Live kanye nalabo labakhile kulo betfuka batfutfumela ngenca yekubhavumula kwalo.

Hezekeli 19:7 Referencias Cruzadas

2 Emakhosi 23:33

Faro Nekho wambopha ngetinketane eRibla, eveni laseHamathi, kuze kutsi angakhoni kubusa eJerusalema, wabe sewuhlisibeta bakaJuda ngemtselo wesiliva lengemakhilogremu labengaba ti-3 400, negolide lengemakhilogremu labengaba ngema-34.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Taga 28:3

Umholi lomubi lophuyile acindzetele labamphofu ufanana nesikhukhula selitulu leligcoba livungule.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Hezekeli 12:19

Khuluma kulabantfu balelive, utsi: ‘Naku lokushiwo yiNkhosi Simakadze ngalabo labahlala eJerusalema naseveni lema-Israyeli, itsi: Bayawudla kudla kwabo baseluvalweni, banatse emanti abo bangasenatsemba, ngobe live labo liyakwemukwa konkhe lelinako ngenca yebudlova babo bonkhe labahlala kulo.

Hezekeli 19:6

Lajangaza emkhatsini wemabhubesi, ngobe phela lase lilibhubesi lelicinile. Lafundza kudladlabula tinyamatane, lakhona nekushwabudzela bantfu.

Hezekeli 19:8

Tive tase tiyalihlasela, leto letisemaveni lakhelene nalo. Taletsiya ngekwendlala lugibe lwato, lavele labhajwa emgodzini wato.

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Hezekeli 30:12

Ngiyakomisa imifudlana yaseNayili, ngitsengise live kubantfu lababi; ngetandla tebachamuki live ngiyawulibhubhisa nako konkhe lokukulo. Mine Simakadze sengikhulumile.

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.

Hezekeli 45:8

Lendzawo iyawuba sabelo sembusi lobusako eveni laka-Israyeli, kuze angasayiwuphindza acindzetele bantfu bami, kodvwa uyawuvumela lonkhe leli lelinye live libe letive tema-Israyeli.’ ”

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.