Hezekeli 19:6 - Siswati 1996 Bible

⁶ Lajangaza emkhatsini wemabhubesi, ngobe phela lase lilibhubesi lelicinile. Lafundza kudladlabula tinyamatane, lakhona nekushwabudzela bantfu.

Hezekeli 19:6 Referencias Cruzadas

2 Emakhosi 24:9

Jehoyakhini wenta lokubi emehlweni aSimakadze, njengobe bekwente uyise.

2 Tikhronike 36:5

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Wenta lokubi emehlweni aSimakadze Nkulunkulu wakhe.

2 Tikhronike 36:9

Jehoyakhini abeneminyaka leli-18 budzala, nakabekwa kuba yinkhosi. Wabusela eJerusalema tinyanga letintsatfu nemalanga lalishumi. Wenta lokubi emehlweni aSimakadze.

Hezekeli 19:5

“ ‘Latsi lelibhubesikati nalibona litsemba lalo lingakafezeki, nelitsemba lalo seliphelile, latsatsa lelinye lemazinyane alo, lalenta laba libhubesi lelinemandla.

Hezekeli 19:7

Labhidlita tinqaba tabo, labhubhisa nemadolobha abo. Live kanye nalabo labakhile kulo betfuka batfutfumela ngenca yekubhavumula kwalo.

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.