Hezekeli 18:6 - Siswati 1996 Bible

⁶ Akadleli etindvumbeni tetithico letisetintsabeni, akabuki futsi kuletithico tendlu yaka-Israyeli. Akamoni nemfati wamakhelwane wakhe, nome-ke alale nemfati losesikhatsini.

Hezekeli 18:6 Referencias Cruzadas

Tihlabelelo 121:1

Ngiphakamisela emehlo ami etintsabeni; lusito lwami luyawuchamuka kuphi?

Eksodusi 34:15

Ningenti ngisho nesivumelwane nalabantfu balelo live, ngobe nabagwadla ngekukhonta letithico tabo, banikele umhlatjelo kuto, batanimema bese nidla leminikelo yemihlatjelo yabo.

Taga 6:29

Kanjalo-ke, nendvodza lelala nemfati walenye indvodza, ingeke ikubalekele kujeziswa.

Hezekeli 18:15

“Ayidleli etindvumbeni tetithico letisetintsabeni, nome ibuke kuletithico tendlu yaka-Israyeli. Ayimoni umfati wamakhelwane wayo.

Hezekeli 18:5

“Ase sitsi kunemuntfu lolungile lowenta lokucotfo nalokulungile:

Hezekeli 20:24

ngobe abayilalelanga imitsetfo yami, kodvwa batala timiso tami, bawona emaSabatha ami, emehlo abo anaka tithico taboyise.

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Hezekeli 20:7

Ngabuye ngatsi kubo: “Ngulowo nalowo wenu akalahle letitfombe letenyanyekako lese nibeke emehlo enu kuto, ningatingcolisi ngaletitfombe taseGibhithe. NginguSimakadze Nkulunkulu wenu.”

Hezekeli 6:13

Ngulapho-ke bayawungati kahle kutsi mine nginguSimakadze, bantfu babo nase balele lunja emkhatsini wetithico tabo, batungelete emalati abo kuwo onkhe emagcuma laphakeme, nakuto tonkhe ticongo tetintsaba, nangaphansi kwato tonkhe tihlahla letendlala emagala ato, nangaphansi kwawo onkhe ema-okhi lanemacembe lacebetelako, tindzawo lapho bebentela khona iminikelo yemphepho lenuka kamnandzi kuto tonkhe tithico tabo.

Levithikusi 20:10

“ ‘Nangabe indvodza iphinga nemfati walenye indvodza, nome yamakhelwane wayo, bobabili, lesiphingi nalesiphingikati, kufanele babulawe.

Levithikusi 20:18

Nangabe indvodza ilala nalomsikati asesesikhatsini, lendvodza seyembule kopha kwalona lomsikati, kantsi-ke vele naye sewukugwabulile loko kopha kwakhe. Bobabili kufanele bancunywe esiveni sakubo.

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

Matewu 5:28

Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe.

1 kubaseKorinthe 10:20

Cha, kodvwa ngitsi: Loko lokuhlatjwe ngemahedeni akuhlabela emadimoni, akakuhlabeli Nkulunkulu. Angitsandzi kutsi nihlanganyele nemadimoni.

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

KumaHebheru 13:4

Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.