Hezekeli 18:2 - Siswati 1996 Bible

² “Nisho kutsini nine bantfu nanisuke nicaphune lesaga eveni lema-Israyeli lesitsi: “ ‘Boyise badla emagelebisi lamunyu, bese kutsi ematinyo ebantfwana ayaphatima’?

Hezekeli 18:2 Referencias Cruzadas

Jobe 21:19

Kutsiwa: ‘Nkulunkulu ujezisa bantfwana ngenca yetono letentiwa nguyise.’ Cha! Nkulunkulu akajezise toni cobo lwato, kuze titewukwati kahle.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Jeremiya 15:4

Ngiyakubenta benyanyeke kuyo yonkhe imibuso yemhlaba ngenca yaloko lokwentiwa eJerusalema nguManase, umsa waHezekiya, inkhosi yakaJuda.

Sililo 5:7

Bobabemkhulu labona sebafa, tsine sesetfwele licala labo.

Hezekeli 12:22

“Ndvodzana yemuntfu, saga sini lesi leninaso lapha eveni laka-Israyeli, lesitsi: ‘Emalanga ayendlula, yonkhe imibono igucuka ibe lite’?

Hezekeli 16:44

“ ‘Bonkhe labacaphuna etishweni bayawucaphuna kulesisho ngawe, batsi: “Ludziwo lufute imbita.”

Hezekeli 17:12

“Khuluma kulendlu lehlubukako, utsi: ‘Anati yini kutsi tisho kutsini letintfo?’ Shano kubo utsi: ‘Inkhosi yaseBhabhulona yaya eJerusalema yatsatsa inkhosi yakhona nalabahloniphekile bakhona, yeta nabo eBhabhulona.

Hezekeli 18:1

Livi laSimakadze lefika kimi, latsi:

Hezekeli 18:19

“Kodvwa nine niyabuta nitsi: ‘Kwentiwa yini kutsi indvodzana ingetfwali licala leyise?’ Njengobe indvodzana yente lokulungile nalokucotfo, futsi beyivele icaphele kutsi igcine tonkhe timiso tami, ngempela iyawuphila.

Hezekeli 18:3

“INkhosi Simakadze, itsi: Ngifunga kuphila kwami, anisayikusicaphuna lesaga lapha ka-Israyeli.

Hezekeli 25:3

Khuluma kuwo utsi: ‘Vanini livi leNkhosi Simakadze. Naku lokushiwo yiNkhosi Simakadze, itsi: Ngobe nakhuluma natsi: “Hha” kuyo indzawo yami lengcwele ngesikhatsi ingcoliswa, nakulo live laka-Israyeli nalicitfwa, nakubo bantfu bakaJuda nabatfunjwa,

Hezekeli 37:11

Wase utsi kimi: “Ndvodzana yemuntfu, lamatsambo lawa, angiyo yonkhe indlu yaka-Israyeli. Batsi: ‘Ematsambo etfu omile, nelitsemba letfu liphelile; sincanyuliwe saphela nya.’

Hezekeli 37:19

ubobatjela kutsi mine, iNkhosi Simakadze, ngitawutsatsa lomzaca lomelele baka-Israyeli ngiwubeke kanyekanye nalona lomelele bakaJuda. Ngalemizaca lemibili ngitakwenta umzaca ube munye lengitawuphatsa ngesandla sami.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Hezekeli 7:2

“Ndvodzana yemuntfu, naku lokushiwo yiNkhosi Simakadze, eveni laka-Israyeli, itsi: Kuphela! Kuphela sekufikile emagumbini omane elive.

Matewu 23:36

Ngicinisile, ngitsi kini: Konkhe loku kuyakwehlela etikwalesitukulwane.”

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”