Hezekeli 18:19 - Siswati 1996 Bible

¹⁹ “Kodvwa nine niyabuta nitsi: ‘Kwentiwa yini kutsi indvodzana ingetfwali licala leyise?’ Njengobe indvodzana yente lokulungile nalokucotfo, futsi beyivele icaphele kutsi igcine tonkhe timiso tami, ngempela iyawuphila.

Hezekeli 18:19 Referencias Cruzadas

2 Emakhosi 23:26

Noko nome kunjalo, Simakadze akazange agucuke ekufutsekeni kwentfukutselo yakhe leyavutsela Juda ngenca yako konkhe Manase lakwenta kwamtfukutselisa.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Jeremiya 15:4

Ngiyakubenta benyanyeke kuyo yonkhe imibuso yemhlaba ngenca yaloko lokwentiwa eJerusalema nguManase, umsa waHezekiya, inkhosi yakaJuda.

Sililo 5:7

Bobabemkhulu labona sebafa, tsine sesetfwele licala labo.

Hezekeli 18:18

Kodvwa uyise yena uyakufa ngenca yesono sakhe, ngobe nguye lowenta kuphanga ngebugebengu, wadlelela umnakabo, wenta lokubi kubantfu bakubo.

Hezekeli 18:2

“Nisho kutsini nine bantfu nanisuke nicaphune lesaga eveni lema-Israyeli lesitsi: “ ‘Boyise badla emagelebisi lamunyu, bese kutsi ematinyo ebantfwana ayaphatima’?

Hezekeli 18:9

Ulandzela timiso tami, agcine nemitsetfo yami ngekwetsembeka. Lowo muntfu ulungile, ngempela uyawuphila, kusho iNkhosi Simakadze.

Hezekeli 20:24

ngobe abayilalelanga imitsetfo yami, kodvwa batala timiso tami, bawona emaSabatha ami, emehlo abo anaka tithico taboyise.

Hezekeli 20:30

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Nitawutingcolisa yini nani njengaloku boyihlo benta bakhanukana netitfombe tabo letenyanyekako?

Hezekeli 33:10

“Ndvodzana yemuntfu, khuluma kuyo indlu yaka-Israyeli, utsi: ‘Naku lenikushoko nitsi: “Tikhubekiso tetfu netono tetfu kusidvonsela phansi, natsi sesiyahusheka ngenca yato. Manje-ke sitawuphila kanjani?” ’

Dutheronomi 5:9

Ungasikhotsameli nome usikhonte; ngobe mine, Simakadze Nkulunkulu wakho, nginguNkulunkulu lonesikhwele, ngijezisa bantfwana ngesono saboyise esitukulwaneni sesitsatfu nesesine kulabo labangitondzako,