Hezekeli 17:16 - Siswati 1996 Bible

¹⁶ “ ‘Ngifunga kuphila kwami, uyawufela eBhabhulona, eveni laleyo nkhosi leyambeka esihlalweni sebukhosi, lowo lowedzelela sifungo sayo wephula nesivumelwane sayo, kusho iNkhosi Simakadze.

Hezekeli 17:16 Referencias Cruzadas

2 Samuweli 21:2

Inkhosi Davide yabita emaGibeyoni kutsi ete kuye. EmaGibeyoni phela abengesiyo incenye yema-Israyeli, kodvwa bekungimitfonselana nje yema-Amori leyayisele. Baka-Israyeli babefungile batsi batawayekela aphile, kodvwa Sawula ngenca yekushisekela kwakhe ngesive saka-Israyeli nesakaJuda, abetama kuwacedza.

2 Emakhosi 24:17

Nebukhadnezari wase ubeka Mathaniya, malume waJehoyakhini, kutsi abe yinkhosi esikhundleni sakhe, wabe sewumetsa libito watsi nguSedekiya.

2 Emakhosi 24:20

Kwabangelwa yintfukutselo yaSimakadze lokutsi loku kwenteke eJerusalema nakaJuda, kwaze kwatsi ekugcineni wabesusa ebukhoneni bakhe. Sedekiya wase uyayivukela inkhosi yaseBhabhulona.

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Eksodusi 8:2

Nawala kusikhulula, live lakho lonkhe ngitalishaya ngetigogodvolo.

Jeremiya 34:21

“Sedekiya, inkhosi yakaJuda, kanye netindvuna takhe ngiyawubanikela etitseni tabo letifunana netimphilo tabo, ebutfweni lenkhosi yaseBhabhulona leseyisukile kini.

Jeremiya 39:7

Wase ukupuluta emehlo aSedekiya, wambopha ngetinketane telitfusi kuze amyise eBhabhulona.

Jeremiya 52:11

Yase ikupuluta emehlo aSedekiya, yambopha ngetinketane telitfusi, yamtsatsa yamyisa eBhabhulona lapho yefika yamvalela ejele kwaze kwaba lilanga lakhe lekufa.

Hezekeli 12:13

Ngiyakuyetsiya ngelinetha lami, futsi iyawubanjwa kulolo lugibe lwami; ngiyakuyiyisa eBhabhulona, eveni lemaKhaledi, kodvwa ngeke ilibone, ngulapho iyawufela khona.

Hezekeli 16:59

“ ‘Naku lokushiwo yiNkhosi Simakadze, itsi: Ngitakuphatsa ngendlela lekufanele ngikuphatse ngayo, ngobe usedzelele sifungo sami ngekutsi wephule lesivumelwane.

Hezekeli 17:10

Kona kube bewungahlanyelwa kabusha, bewungaphumelela yini? Ungete wabuna yini uphele, nawushaywa ngumoya wasemphumalanga? Ungete wabuna yini kulendzawo lapho wakhulela khona?’ ”

Hezekeli 17:13

Yatsatsa lomunye wasebukhosini, yenta naye sivumelwane, yamfungisa. Yatfumba nebaholi balelo live,

Hezekeli 21:23

Kuyawubonakala shangatsi lokuphengula kungemanga kulabo labafungele kuyihlonipha lenkhosi, kodvwa iyakubakhumbuta ngelicala labo ibatfumbe.

Hoseya 10:4

Benta tetsembiso letinyenti, bafungele emanga, bente netivumelwane. Ngako kwehlulela emacala kuyahluma njengencatsavane lenebutsi emiseleni yemasimi lalinyiwe.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Numeri 30:2

Nangabe umuntfu enta sincumo kuSimakadze nome ente sifungo sekutibopha ngesetsembiso, kufanele angawephuli emavi akhe, kodvwa ente konkhe lakukhulumile.

KubaseRoma 1:31

abehlukanisi lokuhle kulokubi, abatigcini tetsembiso tabo, abanalutsandvo, abanasihawu.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

2 kuThimothi 3:3

babete lutsandvo, bangatsetselelani. Bayawuba tinyoka, bangatitsibi, babe nebulwane, batondze lokuhle,

Joshuwa 9:20

Naku lesitakwenta kuwo: Sitawayekela aphile, kuze lulaka lungasehleli ngekutsi sephule sifungo setfu lesasenta kuwo.”