Hezekeli 16:7 - Siswati 1996 Bible

⁷ Ngakwenta wakhula njengesihlahla sesiganga. Wakhula waya etulu, watfutfuka, waze waba buhlalu lobuhle ngalokwendlulele kubo bonkhe. Kwaphuma timphumamlotsa, netinwele takho takhula, wena lowawungcunu uhamba bhushubhushu.

Hezekeli 16:7 Referencias Cruzadas

Genesisi 22:17

ngiyakukubusisa impela, ngandzise titukulwane takho tibe ngangetinkhanyeti tesibhakabhaka nangangesihlabatsi selugu lwelwandle. Titukulwane takho tiyakwehlula emadolobha etitsa tato.

Jobe 1:21

watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.”

Tihlabelelo 135:4

Ngobe Simakadze utikhetsele Jakobe kutsi abe wakhe, ukhetse Israyeli kutsi abe lifa lakhe.

Tihlabelelo 147:20

Kute sive lake wenta njalo kuso, kute sive lesake sati timiso takhe. Haleluya, dvumisani Simakadze.

Tihlabelelo 148:14

Sive sakhe usivusele insindziso, kuze kudvunyiswe bonkhe labangcwele bakhe, lekusive saka-Israyeli, lesisedvute naye. Haleluya, dvumisani Simakadze!

Eksodusi 1:7

Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.

Eksodusi 12:37

Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.

Eksodusi 3:22

Wonkhe longumfati wem-Israyeli uyawucela kumakhelwane wakhe, acele nome ngukumuphi umfati lohlala ekhaya kakhe kutsi amuphe timphahla tekwembatsa kanye nemihlobiso yesiliva neyegolide. Emadvodzana kanye nemadvodzakati enu ayawuhamba nato letintfo; niyakuwaphundla kanjalo-ke emaGibhithe.”

Ingoma Yetingoma 4:5

Emabele akho lamabili anjengemazinyane lamabili, yebo, njengemazinyane langemaphahla emphala, ladla emkhatsini weminduze.

Ingoma Yetingoma 8:10

Ngilubondza, emabele ami anjengemibhoshongo. Ngako-ke emehlweni akhe sengibe ngumuntfu loletsa kweneliseka.

Ingoma Yetingoma 8:8

Sinadzadzewetfu lomncane, usengakaphumi ngisho nemabele. Siyakwenta njani ngalodzadzewetfu, nangabe kukhona lofuna kumenta umkakhe?

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 62:3

Uyawuba ngumchele wenkhatimulo esandleni saSimakadze, umchele webukhosi esandleni saNkulunkulu wakho.

Hezekeli 16:16

Watsatsa letinye tetimphahla takho wenta ngato tindzawo letiphakeme letinemibala lemihle, lapho wawuchubela khona bugwababane bakho bekukhontela tithico. Tintfo letinjalo atikafaneli kutsi tenteke, futsi akukafaneli nje kutsi tibe khona.

Hezekeli 16:22

Kuto tonkhe letento takho letinengekako, nakulobugwababane bakho, awuzange sewuwakhumbule emalanga ebusha bakho, ngesikhatsi usengcunu, ungakembatsi lutfo, usakhahlekhahlela esitibeni sengati yakho.’ ”

Hezekeli 16:6

“ ‘Ngatsi ngiyendlula nje kuwe, ngakubona ukhahlela usengatini yakho, watsi uselele lapho engatini yakho, ngakhuluma kuwe ngatsi: “Phila!”

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Imisebenti yebaPhostoli 7:17

“Kwatsi nase sisondzele sikhatsi sekugcwaliseka kwesetsembiso Nkulunkulu lasenta ku-Abrahama, sive sakitsi sandza kakhulu saba sinyenti eGibhithe.

Dutheronomi 1:10

Simakadze Nkulunkulu wenu sewunandzisile manje, senibanyenti kakhulu, senize naba ngangetinkhanyeti tesibhakabhaka.

Dutheronomi 1:11

Shangatsi Simakadze, Nkulunkulu waboyihlomkhulu, anganandzisa ngetinkhulungwane letiphindziwe, anibusise njengobe etsembisa!

Dutheronomi 4:8

Ngusiphi nje lesinye sive lesikhulu kangangekutsi singaba nemiyalo nemitsetfo lelungile njengawo wonkhe lomtsetfo lenginifundzise wona lamuhla?