Hezekeli 16:59 - Siswati 1996 Bible

⁵⁹ “ ‘Naku lokushiwo yiNkhosi Simakadze, itsi: Ngitakuphatsa ngendlela lekufanele ngikuphatse ngayo, ngobe usedzelele sifungo sami ngekutsi wephule lesivumelwane.

Hezekeli 16:59 Referencias Cruzadas

Isaya 24:5

Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Jeremiya 11:10

Babuyela etonweni tabokhokho babo, labala kulalela emavi ami. Balandzele labanye bonkulunkulu, bakhonta bona. Indlu yaka-Israyeli nendlu yakaJuda, totimbili tisephulile sivumelwane lengasenta nabokhokho bato.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 22:9

Imphendvulo yabo iyawutsi: ‘Kungobe basilahla sivumelwane saSimakadze Nkulunkulu wabo, bakhonta labanye bonkulunkulu, basebentela bonkulunkulu labanye.’ ”

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Hezekeli 14:4

“Ngako-ke khuluma kuwo uwatjele, utsi: ‘Naku lokushiwo yiNkhosi Simakadze, itsi: Nome ngabe ngumuphi kuma-Israyeli lofaka tithico enhlitiyweni yakhe, emise nelitje lelibi lekukhubekisa embikwebuso bakhe, bese uya kumphrofethi, mine Simakadze ngiyakumphendvula mine cobo lwami ngangekwebukhulu bekukhonta kwakhe tithico.

Hezekeli 17:19

“ ‘Ngako-ke naku lokushiwo yiNkhosi Simakadze, itsi: Ngifunga kuphila kwami, ngiyakwehlisela etikwenhloko yakhe lesifungo sami lasedzelele, kanye nalesivumelwane sami lasephulile.

Hezekeli 7:3

Siphetfo nyalo sesifikile kuwe, ngiyawutfululela lulaka lwami etikwakho. Ngiyakukwehlulela njengekutiphatsa kwakho, ngikukhokhele ngangekwetento takho tonkhe letinengekako.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Dutheronomi 29:24

Tonkhe tive tiyawubuta titsi: ‘Simakadze wakwentelani loku kulelive? Siyini sizatfu salolulaka loluvutsa kangaka?’

Dutheronomi 29:25

“Imphendvulo iyawutsi: ‘Kungobe lesive salahla sivumelwane saSimakadze, Nkulunkulu waboyisemkhulu, sivumelwane lasenta nabo ngesikhatsi abakhipha eGibhithe.