Hezekeli 16:5 - Siswati 1996 Bible

⁵ Kute namunye lowake wakubuka ngesihawu nome lowaba neluvelo ngawe, lolwenele kutsi akwentele kunye kwaletintfo. Esikhundleni saloko walahlelwa ngaphandle esigangeni, ngobe ngelilanga lowabelekwa ngalo, wavele wedzeleleka nje.

Hezekeli 16:5 Referencias Cruzadas

Genesisi 21:10

Ngako-ke wase utsi ku-Abrahama: “Sicoshe lesigcilikati nalendvodzana yaso, ngobe indvodzana yalesigcilikati akufanele ibe yindlalifa kanye nendvodzana yami Isaka.”

Eksodusi 1:22

Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Jeremiya 22:19

Uyawungcatjwa njengembongolo, ahudvulwe alahlwe le khashane, ngephandle kwemasango aseJerusalema.”

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Sililo 2:19

Vuka ukhale kusengusebusuku, ngesikhatsi balindzi bangena emsebentini wabo, utfulule inhlitiyo yakho njengemanti ebukhoneni baSimakadze. Phakamisela tandla takho kuye ngenca yetimphilo tebantfwana bakho lasebacaleka ngenca yendlala, ekucaleni nasekupheleni kwato tonkhe titaladi.

Sililo 4:10

Bafati labanesihawu badzimate bapheka bantfwababo ngetabo tandla, bagucuka baba kudla kwabo ngesikhatsi bantfu bakitsi babhujiswa.

Sililo 4:3

Ngisho netimphungutja tiyayikhipha imibele yato timunyise emazinyane ato, kodvwa bantfu bami sebagucuke bangabi nanhlitiyo, baba njengetinshi tasehlane.

Hezekeli 16:6

“ ‘Ngatsi ngiyendlula nje kuwe, ngakubona ukhahlela usengatini yakho, watsi uselele lapho engatini yakho, ngakhuluma kuwe ngatsi: “Phila!”

Hezekeli 2:6

Wena-ke, ndvodzana yemuntfu, ungabesabi ngisho nemavi abo. Ungesabi ngisho nome tinchachabutane nemanyeva sekukutungeletile, yebo, nome sewuhlala emkhatsini wabofecela. Ungakwesabi loko labakushoko, futsi ungesatjiswa ngibo, lite nome bayindlu yekuhlubuka nje.

Numeri 19:16

“Nangabe umuntfu utsite asebaleni watsintsa sidvumbu semuntfu lofe ngekugwazwa, nome lofe ngesifo lesetayelekile, nome lotsintsa litsambo laso, nome lithuna, uyawuba ngulongcolile ngekwemtsetfo emalanga lasikhombisa.

Dutheronomi 32:10

“Eveni lelisehlane, lapho amtfola khona, esikhotseni kalashameshame, wamvikela wamnakekela; wamlondvolota njengenhlavu yeliso lakhe,