Hezekeli 16:4 - Siswati 1996 Bible

⁴ Ngelilanga lowatalwa ngalo, inongwane yakho ayizange ijutjwe, futsi nawe awuzange ugezwe ngemanti kuze utewuhloba, futsi awuzange ukhuhlelwe ngeluswayi nome uphutfwe ngeticephu.

Hezekeli 16:4 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Sililo 2:20

“Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Sililo 2:22

“Wabutsisa tesabiso tami ndzawo tonkhe, kwaba shangatsi umemela bantfu edzilini. Ngelilanga lentfukutselo yaSimakadze kute namunye lowaphunyula nalowasindza. Titsa tami tibashaye tabacotfula labo lengangibongile ngabanakekela.”

Hezekeli 16:3

utsi: ‘Naku lokushiwo yiNkhosi Simakadze, kuwe Jerusalema, itsi: Inkhaba yakho nekutalwa kwakho kwakuseveni lemaKhenani; uyihlo abengum-Amori, unyoko angumHethi.

Hezekeli 20:13

“ ‘Noko bantfu baka-Israyeli bangivukela ehlane. Bangete bahamba ngetimiso tami, bayala imitsetfo yami, noko umuntfu loyilalelako uyawuphila ngayo, bawona kakhulu emaSabatha ami. Ngako ngatsi ngitawutfululela lulaka lwami etikwabo ngibabhubhisele ehlane.

Hezekeli 20:8

“ ‘Kodvwa bangivukela, bangete bangilalela; abazange batilahle letitfombe tabo letenyanyekako lebese babeke emehlo abo kuto, futsi abazange batilahle tithico taseGibhithe. Ngako ngatsi ngitawutfululela lulaka lwami etikwabo, ngicedzele kutfukutsela kwami etikwabo eGibhithe.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Lukha 2:12

Loku kutaba sibonakaliso kini: Niyawukhandza umntfwana agocotwe ngetindvwangu alele emkhombeni wekudlela tinkhomo.”

Lukha 2:7

Watubula ngendvodzana, wayigocota ngetindvwangu, wayilalisa emkhombeni wekudlela tinkhomo, ngobe phela kwakungenandzawo yekuhlala endlini yetihambi.

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 5:6

‘NginguSimakadze Nkulunkulu wakho lowakukhipha eGibhithe, eveni lebugcili.

Joshuwa 24:2

Joshuwa wakhuluma kuso sonkhe lesive, watsi: “Naku-ke lokushiwo nguSimakadze Nkulunkulu wema-Israyeli, utsi: ‘Kadzeni, bokhokho benu, kanye naThera, uyise wa-Abrahama naNahori, babehlala ngesheya kweMfula, bakhonta labanye bonkulunkulu.