Hezekeli 16:25 - Siswati 1996 Bible

²⁵ Ekucaleni kwato tonkhe titaladi watimisela khona tindzawo letiphakeme tekukhontela tithico, watehlisa wena ebuhleni bakho, ngekunikela ngemtimba wakho ngekugwadla nekuphinga nabo bonkhe labendlula ngendlela.

Hezekeli 16:25 Referencias Cruzadas

Genesisi 38:14

Ngako-ke Thamari wakhumula inzilo yakhe, watimbonya ngendvwangu wase uhlala esangweni lase-Enayimu, emgwacweni lophambukela eThimna. Abesati kutsi Shela abesakhulile, kodvwa abesengakanikwa kutsi amteke.

Genesisi 38:21

Wabuta kulamadvodza aleyo ndzawo, watsi: “Iphi lengwadla beyilapha endleleni ngase-Enayimu?” Baphendvula batsi: “Kute ingwadla leke yaba khona lapha.”

Isaya 23:17

Ekupheleni kweminyaka lengama-70, Simakadze utayihambela iThire. Itawubuyela emsebentini wayo webugwadla, yonkhe imibuso yemhlaba itawugwadla nayo.

Isaya 3:9

Kukhetsa kwabo buso ekwehluleleni kubufakazi lobumelene nabo; bashengetisa ngesono sabo njengeSodoma, abasifihli nakancane. Maye kubo! Batiletsele inhlekelele etikwabo.

Jeremiya 11:15

“Lotsandzekako wami wentani ethempelini lami, ngesikhatsi enta emacebo akhe ebubi nalabanyenti? Inyama lenikelwe ingasijikisa yini sijeziso sakho? Nase wenta bubi bakho uyajabula.”

Jeremiya 3:2

“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.

Jeremiya 3:20

Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Hezekeli 16:15

“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.

Hezekeli 16:31

Ngesikhatsi wakha tibundvuma ekucaleni kwato tonkhe titaladi, wenta tindzawo takho letiphakeme tekukhontela tithico kuto tonkhe tinkhundla, wawungafanani nengwababane, ngobe wawukubukela phansi kubhadalwa.

Hezekeli 23:32

“Naku lokushiwo yiNkhosi Simakadze, itsi: “Uyawunatsa indzebe yadzadzewenu, yebo, indzebe lenkhulu legubhile; iyawuletsa kwedzelelwa nekuphukutwa, ngobe inemtsamo lomkhulu.

Nahume 3:4

Konkhe loku kuye ngebunyenti benkhanuko yengwadla lebukekako, umhhunguli wabo bonkhe butsi, ingwababane leyagcilata tive ngebugwadla bayo netive tonkhe ngebutsi bayo.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.