Hezekeli 13:9 - Siswati 1996 Bible

⁹ Sandla sami siyawumelana nebaphrofethi lababona imibono leyinkhohliso, baphengule lokungemanga. Bangeke babe belibandla lebantfu bami nome babhaliswe etincwadzini tebantfu bendlu yaka-Israyeli, futsi bangeke bangene eveni lema-Israyeli. Ngulapho-ke niyawungati khona kutsi mine ngiyiNkhosi Simakadze.

Hezekeli 13:9 Referencias Cruzadas

1 Emakhosi 13:18

Nalomphrofethi lomdzala waphendvula, watsi: “Nami futsi ngingumphrofethi njengawe. Ingilosi ikhulume kimi ngelivi laSimakadze, yatsi: ‘Mlandze, ute naye lapha kakho, khona atekudla kudla, anatse nemanti.’ ” Kodvwa abecala emanga.

Ezra 2:59

Laba labalandzelako babephuma emadolobheni aseTheli Mela, naseTheli Hasha, naseKherubi, nase-Adoni, nase-Imeri, kodvwa noko abazange bakwati kuchaza kutsi imindeni yabo yayiyekudzabuka ka-Israyeli yini:

Nehemiya 7:62

Titukulwane takaDelaya, netakaThobiya kanye netakaNekoda tatingema-642.

Nehemiya 7:64

Laba bafunisisa imilandvo lebhaliwe yemindeni yabo, kodvwa abazange bayitfole; ngaleso sizatfu abazange babalwe kanye nebaphristi, batsatfwa ngekutsi bangcolile ngekwemtsetfo.

Tihlabelelo 101:7

Umuntfu lonemacebo ngeke ngimvumele ahlale endlini yami. Wonkhe umuntfu localemanga ngingeke ngimbeketelele.

Tihlabelelo 69:28

Abesulwe encwadzini yekuphila, bangabhaliswa ndzawonye nalabalungile.

Tihlabelelo 69:5

Yebo, Nkulunkulu, wena uyabati bulima bami, netono tami atikafihleki kuwe.

Tihlabelelo 87:6

Simakadze uyawutibhalisa tonkhe tive atsi: “Lesi satalelwa eSiyoni.” Cabanga.

Tihlabelelo 95:11

Ngako-ke ngatfukutsela ngadzimate ngafunga ngabo ngatsi: ‘Bangeke bangene ekuphumuleni kwami.’ ”

Isaya 4:3

Labo labashiyiwe eSiyoni, labasasele eJerusalema, bayawubitwa ngekutsi ngulabangcwele, bonkhe labo labayawube babhaliswe nalabaphila eJerusalema.

Jeremiya 14:15

Ngako-ke, naku lokushiwo nguSimakadze ngalabaphrofethi labaphrofetha ngelibito lami, utsi: Angizange sengibatfume, noko batsi: ‘Kute inkemba nome indlala letalitsinta lelive.’ Bona labo baphrofethi bayawubhubha ngenkemba nangendlala.

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Jeremiya 23:20

Intfukutselo yaSimakadze ingeke incandzeke, aze akufeze loko lokujongwe yinhlitiyo yakhe. Kulawo malanga letako niyawukucondzisisa kahle loko.

Jeremiya 4:9

Simakadze utsi: “Ngalelo langa, inkhosi netindvuna bayawuphelelwa ngemandla, baphristi bayawukwesaba, nebaphrofethi bayawutfutfumela.”

Hezekeli 11:10

Nitawubulawa ngenkemba, bese ngehlisela sigwebo kini ngaseminyeleni yaka-Israyeli. Ngulapho-ke niyawungati khona kutsi mine nginguSimakadze.

Hezekeli 12:20

Lamadolobha lanebantfu ayawudzilitelwa phansi, nalelive libe lihlane. Ngulapho-ke niyawungati khona kutsi mine nginguSimakadze.’ ”

Hezekeli 13:14

Ngiyakuluhhihlitela phansi lolubondza loluhucwe ngemcakaco, ngiludzilite lube litsafa, kuze tisekelo talo tisale ebaleni. Ngesikhatsi naluwa, nani niyawubhujiswa kulo. Ngulapho-ke niyawukwati khona kutsi mine nginguSimakadze.

Hezekeli 13:23

ngako-ke ningeke nisayibona imibono leyinkhohliso, ningabe nisabhula ngekubhula lokungemanga. Ngiyakubasindzisa bantfu bami etandleni tenu. Ngulapho-ke niyawungati khona kutsi mine nginguSimakadze.’ ”

Hezekeli 20:38

Ngiyawuphenya emkhatsini wenu bonke labo labangivukelako bahlubuke kimi. Nome ngiyawubakhipha eveni lapho bahlala khona nje, noko bangeke bangene eveni laka-Israyeli. Ngulapho-ke niyawungati khona kutsi mine nginguSimakadze.

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Hoseya 4:5

Nikhubateka emini nasebusuku, nebaphrofethi bakhubateka kanye nani, nine baphristi. Ngako ngitambhubhisa unyoko,

Hoseya 9:3

Bangeke basale eveni laSimakadze; Efrayimu uyawubuyela eGibhithe, adle kudla lokungcolile e-Asiriya.

Mikha 3:5

Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:

Mikha 3:6

“Baphrofethi, sekusele kancane kuniphelele; yebo, selinishonele lilanga. Njengobe naku nedukisa sive sami, ningeke niphindze nibe netiphrofetho temibono, futsi ningeke nikwati kukubona lokutako kusengakefiki.”

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

KumaHebheru 12:23

kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.