Hezekeli 12:23 - Siswati 1996 Bible

²³ Khuluma kubo, utsi: ‘Naku lokushiwo yiNkhosi Simakadze, itsi: Ngitasicedza lesaga, bangaphindzi basikhulume lapha ka-Israyeli.’ Khuluma kubo, utsi: ‘Emalanga asasondzele lapho yonkhe imibono iyawugcwaliseka.

Hezekeli 12:23 Referencias Cruzadas

Tihlabelelo 37:13

Kodvwa Simakadze uyamhleka lona lomubi, ngobe uyabona kutsi sekuyamphelela.

Isaya 28:22

Nyalo-ke yekelani lokuphukuta kwenu, nakungenjalo, tinketane tenu titakuba matima, iNkhosi Simakadze lenguSomandla ingitjelile ngembhubhiso leseyimiselwe live lonkhe.

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 16:44

“ ‘Bonkhe labacaphuna etishweni bayawucaphuna kulesisho ngawe, batsi: “Ludziwo lufute imbita.”

Hezekeli 18:3

“INkhosi Simakadze, itsi: Ngifunga kuphila kwami, anisayikusicaphuna lesaga lapha ka-Israyeli.

Hezekeli 7:2

“Ndvodzana yemuntfu, naku lokushiwo yiNkhosi Simakadze, eveni laka-Israyeli, itsi: Kuphela! Kuphela sekufikile emagumbini omane elive.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 24:34

Ngicinisile, ngitsi kini: Lesitukulwane ngeke sendlule kungakenteki konkhe loku.