Hezekeli 12:2 - Siswati 1996 Bible

² “Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hezekeli 12:2 Referencias Cruzadas

2 Emakhosi 17:14

Kodvwa abazange balalele, bacinisa tinhloko njengaboyise, labangazange betsembele kuSimakadze Nkulunkulu wabo.

2 Emakhosi 17:15

Batala timiso takhe nesivumelwane sakhe labesente naboyisemkhulu, kanye neteluleko labebeluleke ngato. Balandzela tithico letingenamsebenti walutfo, nabo bagcina sebangenamsebenti walutfo. Basuke balingisa letive letatakhelene nabo, kantsi Simakadze abebayalile watsi: “Ningabalingisi.” Benta kona kanye loko Simakadze labetsite bangabokwenta.

Tihlabelelo 78:40

Kukanyenti kangakanani bamhlubuka ehlane, bamdzabukisa ehlane kalashameshame.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 43:8

Letsani labo labanemehlo kodvwa babe batimphumphutse, labo labanetindlebe kodvwa babe batihhulu.

Isaya 44:18

Abati lutfo, abacondzi lutfo; emehlo abo abhadziwe, kuze bangetiwubona, netingcondvo tabo tivaliwe, khona bangetiwucondzisisa.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Isaya 65:2

Lonkhe lilanga ngelule tandla tami kubantfu labanenhloko lelukhuni, labahamba etindleleni letimbi, bacoshana nemicabango yabo,

Jeremiya 4:17

Akaka wena Jerusalema, njengemadvodza lagadze insimi, ngobe ungihlubukile,’ ” kusho Simakadze.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Jeremiya 5:23

Kodvwa labantfu banenkhani netinhlitiyo letihlubukako, bakhweshele eceleni bahamba.

Jeremiya 7:26

Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.

Hezekeli 12:1

Livi laSimakadze lefika kimi, latsi:

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 17:12

“Khuluma kulendlu lehlubukako, utsi: ‘Anati yini kutsi tisho kutsini letintfo?’ Shano kubo utsi: ‘Inkhosi yaseBhabhulona yaya eJerusalema yatsatsa inkhosi yakhona nalabahloniphekile bakhona, yeta nabo eBhabhulona.

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 24:3

Tjela lendlu lehlubukako nankhu umzekeliso, utsi: ‘Naku lokushiwo yiNkhosi Simakadze, itsi: “ ‘Beka etiko lelibhodo lekupheka; libeke etiko, bese utsela emanti ekhatsi kulo.

Hezekeli 3:9

Ngiyakwenta libunti lakho libe lukhuni njengelitje lelilukhuni kakhulu, libe lukhuni kwendlula litje lemlilo. Ungabesabi futsi ungetfuswa ngibo, lite nome bayindlu lehlubukako nje.”

Hezekeli 44:6

“Khuluma kuyo indlu lehlubukako yaka-Israyeli, utsi: ‘Naku lokushiwo yiNkhosi Simakadze, itsi: Awu, wenandlu yaka-Israyeli, setenele letento tenu letinengekako!

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

2 kubaseKorinthe 3:14

Kodvwa ingcondvo yabo yaba lukhuni, ngisho nalamuhla loku nakufundvwa sivumelwane lesidzala, leyo ndvwangu isehleti; nanyalo ayikembulwa, ngobe yembuleka ngaKhristu kuphela.

Kubase-Efesu 4:18

Bahlwelwe engcondvweni yabo, bakhashane nekuphila kwaNkulunkulu, ngobe abati lutfo, ngenca yebulukhuni benhlitiyo.

Dutheronomi 29:3

Natibonela nine ngewenu emehlo leto tivivinyo letinkhulu netibonakaliso letinkhulu netimangaliso;

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

Dutheronomi 31:27

Ngobe ngiyanati kutsi nibantfu labatsandza kangakanani kuhlubuka nekucinisa tinhloko. Njengobe benitsandza kangaka kuhlubuka Simakadze ngisaphila kanye nani, niyakumhlubuka kakhulu kangakanani-ke nase ngifile.

Dutheronomi 9:24

Nine anizange nimlalele Simakadze, seloku ngacala kunati.

Dutheronomi 9:7

“Khumbulani loku ningakhohlwa kutsi Simakadze Nkulunkulu wenu namcansula kanjani ehlane. Kusukela ngelilanga lenaphuma ngalo eGibhithe kuze kube ngulesikhatsi lenifike ngaso lapha seloku animlaleli Simakadze.