Hezekeli 12:18 - Siswati 1996 Bible

¹⁸ “Ndvodzana yemuntfu, tfutfumela nawudla kudla kwakho; yebo, utfutfumele ngekwesaba usanatsa emanti akho.

Hezekeli 12:18 Referencias Cruzadas

Jobe 3:24

Sibibitfwane sesikudla kwami, kububula kwami kugeleta njengemanti.

Tihlabelelo 80:5

Wabapha sinkhwa ngetinyembeti, wabanatsisa ngetinyembeti.

Sililo 5:9

Kudla kwetfu sikutfola ngekutidzela ematsambo ngenca yenkemba lesehlane.

Hezekeli 12:17

Livi laSimakadze lefika kimi, latsi:

Hezekeli 23:33

Uyakugcwaliswa kudzakwa nelusizi, indzebe yembhubhiso neyencitsakalo, indzebe yadzadzewenu Samariya.

Hezekeli 4:10

Kala kudla lokungemagremu langema-230 lekufanele ukudle njalo nje ngelilanga, ukudle ngetikhatsi letimisiwe.

Danyela 10:7

Mine Danyela, kwaba ngimi ngedvwa lengawubona lombono; lamadvodza labekanye nami akazange awubone, kodvwa efikelwa ngulokukhulu kwesaba nekutfutfumela, aze abaleka ayawutifihla.

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Levithikusi 26:36

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

Dutheronomi 28:48

ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.

Dutheronomi 28:65

Emkhatsini waleto tive aniyikuba nako kuthula nendzawo yekuphumuta tinyawo tenu. Lapho Simakadze uyakuninika khona ingcondvo leshisekelako nemehlo lakhatsele ngekulangatelela, nenhlitiyo ledzangele.