Hezekeli 11:12 - Siswati 1996 Bible

¹² Ngulapho-ke niyawungati khona kutsi mine nginguSimakadze, ngobe anikatilandzeli timiso tami, nemitsetfo yami anikayigcini, kodvwa nisuke nalingisa letive letinitungeletile.”

Hezekeli 11:12 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

2 Emakhosi 16:3

Wahamba etinyatselweni temakhosi aka-Israyeli, yena-ke wadzimate wanikela nangendvodzana yakhe kutsi ishiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Emakhosi 18:12

Loku kwenteka, ngobe babengakamlaleli Simakadze Nkulunkulu wabo, kodvwa basephula sivumelwane sakhe, konkhe loko Mosi, inceku yaSimakadze, labebayale ngako. Abazange balalele imiyalo yakhe, futsi abahambanga nangayo.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Emakhosi 21:22

Walahla Simakadze, Nkulunkulu waboyise, wangete wahamba endleleni yaSimakadze.

2 Emakhosi 21:9

Kodvwa bantfu abazange balalele. Manase wabedukisa, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

2 Tikhronike 13:9

Kodvwa anizange yini nibacoshe baphristi baSimakadze, emadvodzana a-Aroni, nemaLevi, nase nitibekela baphristi benu nenta njengobe tive talamanye emave tenta? Ngulowo nalowo lota kutekutinikela nekwehlukaniselwa aphetse inkunzana netihhanca letisikhombisa angaba ngumphristi waleto tithico tenu.

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Ezra 9:7

Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Nehemiya 9:33

Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.

Nehemiya 9:34

Emakhosi etfu, nebaholi betfu, nebaphristi betfu kanye nabobabe betfu abazange bawulandzele umtsetfo wakho; abazange bayinake imiyalo yakho kanye neteluleko takho lowabanika tona.

Tihlabelelo 78:10

Abasigcinanga sivumelwane saNkulunkulu, bala kuhamba ngemtsetfo wakhe.

Jeremiya 10:2

Naku lokushiwo nguSimakadze, utsi: “Ningatifundzi tindlela tebetive nome-ke netfuswe tibonakaliso letisesibhakabhakeni, nome ngabe tive tiyatfutfumela ngato.

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Hezekeli 11:21

Kodvwa-ke labo labanetinhlitiyo letitinikele etitfombeni letingemanyala nakuto tithico letinengekako, ngiyakwehlisela etikwetinhloko tabo loko labakwentile, kusho iNkhosi Simakadze.”

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 18:9

Ulandzela timiso tami, agcine nemitsetfo yami ngekwetsembeka. Lowo muntfu ulungile, ngempela uyawuphila, kusho iNkhosi Simakadze.

Hezekeli 20:16

ngobe bayala imitsetfo yami, bangete bahamba ngetimiso tami, bawona emaSabatha ami. Ngobe tinhlitiyo tabo babetinikele ngalokuphelele etithicweni tabo.

Hezekeli 20:21

“ ‘Kodvwa bantfwababo bangivukela: Abazange bahambe ngetimiso tami, abazange bakunakekele kugcina imitsetfo yami, noko umuntfu loyilalelako uyawuphila ngayo, bawona emaSabatha ami. Ngako ngatsi ngiyawutfululela lulaka lwami etikwabo, ngicedzele intfukutselo yami etikwabo ehlane.

Hezekeli 20:24

ngobe abayilalelanga imitsetfo yami, kodvwa batala timiso tami, bawona emaSabatha ami, emehlo abo anaka tithico taboyise.

Hezekeli 5:6

Noko ngebubi bayo iyihlubukile imitsetfo yami netimiso tami, kwendlula tive nemave layitungeletile. Iyilahlile imitsetfo yami, yangete yatilandzela netimiso tami.

Hezekeli 8:10

Ngako ngangena ngekhatsi ngabuka, ngabona kudvwetjwe tonkhe letibondza yonkhe inhlobo yetintfo letinwabutelako, netilwane letinengekako, nato tonkhe tithico tendlu yaka-Israyeli.

Hezekeli 8:14

Wase ungiyisa ekungeneni kwelisango lelingasenyakatfo lendlu yaSimakadze, ngabona bafati bahleti phansi lapho, balilela Thamuzi.

Hezekeli 8:16

Wase ungiyisa esibuyeni lesisekhatsi nekhatsi endlini yaSimakadze, lapho ekungeneni kwelithempeli, emkhatsini wemhubhe nelilati, kwakunemadvodza langema-25. Imihlane yawo ibheke ngasethempelini laSimakadze, buso bawo bubheke ngasemphumalanga, babekhotsamela lilanga ngasemphumalanga.

Danyela 9:10

asikalilaleli livi laSimakadze Nkulunkulu wetfu, futsi asikayigcini imitsetfo lasinika yona ngetinceku takhe baphrofethi.

Levithikusi 18:3

Ningayenti imikhuba yaseGibhithe, lapho nase nahlala khona, futsi aniyikwenta njengaloku benta eveni laseKhenani, lapho nginimikisa khona. Ningacali niyente lemikhuba yabo.

Levithikusi 26:40

“ ‘Kodvwa nabavuma tono tabo netaboyise ekungihlubukeni kwabo nasekumelaneni nami kwabo,