Hezekeli 10:5 - Siswati 1996 Bible

⁵ Umsindvo wetimphiko temakherubhi wawungevakala khashane, ngisho nasesibuyeni sangephandle, njengelivi laNkulunkulu Somandla, nakakhulumako.

Hezekeli 10:5 Referencias Cruzadas

1 Emakhosi 7:9

Tonkhe letakhiwo kusukela ngephandle kuze kuyewungena ngekhatsi esibuyeni lesikhulu, kusukela esisekelweni kuye engcongwaneni yeluphahla tatakhiwe ngematje elicophelo leliphakeme, ematje lacoshwe ngabolonina nangebunchakidze lobukhulu, ancolwe ngelisaha ngekhatsi nangephandle.

2 Tikhronike 4:9

Wakha sibuya sebaphristi nesibuya sangephandle lesikhulu kanye netivalo taso, wase utembesa ngelitfusi.

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Tihlabelelo 77:17

Emafu atsela imvula, tibhakabhaka tadvuma taklaklabula, kwaklwebha imicibisholo yemibane ndzawana tonkhana.

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 19:19

Kukhala kwelicilongo kwaya ngekuya kwandza. Mosi wakhuluma, Nkulunkulu wamphendvula ngelivi.

Isaya 6:8

Ngase ngiva livi laSimakadze litsi: “Ngitawutfuma bani? Ngubani lotasiyela?” Ngase ngitsi: “Nangu mine, tfuma mine!”

Hezekeli 1:24

Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 10:6

Kwatsi Simakadze nakatjela lendvodza yetelineni, atsi: “Tsatsa umlilo lapha emkhatsini wemasondvo lasemkhatsini wemakherubhi,” lendvodza yangena yema eceleni kwelisondvo.

Hezekeli 40:17

Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.

Hezekeli 46:21

Yase ingiyisa esibuyeni lesingephandle, yangitungeletisa kuwo onkhe emakona aso omane, ngabona kulelo nalelo kona lesinye sibuya.