Hezekeli 10:4 - Siswati 1996 Bible

⁴ Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 10:4 Referencias Cruzadas

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Eksodusi 40:35

Loko kwenta kutsi Mosi ehluleke kungena ethendeni lekuhlangana, ngobe lifu lase lilisibekele. Lithende lekukhontela lase ligcwele inkhatimulo yaSimakadze.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 10:18

Inkhatimulo yaSimakadze yase iyesuka kulomnyango welithempeli, yaya yayakuma ngetulu kwalamakherubhi.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Hezekeli 43:5

Moya wase uyangiphakamisa wangingenisa esibuyeni sangekhatsi, inkhatimulo yaSimakadze yagcwalisa lithempeli.

Hezekeli 44:4

Lendvodza yase ingihola ngendlela yelisango langasenyakatfo ingiyisa embikwelithempeli. Ngatsi ngiyabuka, ngabona inkhatimulo yaSimakadze igcwalisa lithempeli laSimakadze, ngawa ngibhekise buso bami phansi.

Hezekeli 9:3

Ngaleso sikhatsi inkhatimulo yaNkulunkulu wema-Israyeli yenyuka isuka etikwemakherubhi, lapho yayisolo ikhona, yaya emnyango welithempeli. Simakadze wase ubita lendvodza leyayigcoke telineni, leyayinesipatji sekwekubhala engculwini yayo,

Hagayi 2:9

‘Inkhatimulo yalendlu lena itawuba yinkhulu kakhulu kunenkhatimulo yendlu yakucala,’ kusho Simakadze longuSomandla. ‘Futsi kulendzawo ngiyawuletsa kuthula,’ kusho Simakadze longuSomandla.”

Numeri 16:19

Watsi kube Khora ahlanganise bonkhe labalandzeli bakhe, lababemelene naMosi, embikwelithende lekuhlangana, inkhatimulo yaSimakadze yabonakala kuso sonkhe sive sema-Israyeli.

Sembulo 15:8

Lithempeli lagcwaliswa ngentfutfu yenkhatimulo nemandla aNkulunkulu, bekute muntfu labengahle abe nemandla ekungena ethempelini tingakapheli tinhlupho letisikhombisa tetingilosi letisikhombisa.