Hezekeli 1:3 - Siswati 1996 Bible

³ kwefika livi laSimakadze kumphristi Hezekeli, umsa waBuzi, ngasemfuleni iKhebari eveni lemaBhabhulona. Ngulapho-ke lapho sandla saSimakadze sasisetikwakhe khona.

Hezekeli 1:3 Referencias Cruzadas

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

2 Emakhosi 3:15

Kodvwa letsa lapha umdlali welihabhu.” Watsi umdlali welihabhu asadlala, sandla saSimakadze sehlela ku-Elisha,

Tihlabelelo 137:1

Sahlala ngasemifuneli yaseBhabhulona, sakhala khona nasikhumbula iSiyoni.

Jeremiya 1:2

Livi laSimakadze lefika kuye emnyakeni weli-13 wekubusa kwaJosaya, umsa wa-Amoni, inkhosi yakaJuda;

Jeremiya 1:4

Livi laSimakadze lefika kimi, latsi:

Jeremiya 29:15

“Ningasho nitsi: ‘Simakadze usivusele baphrofethi lapha eBhabhulona.’

Hezekeli 1:1

Ngemnyaka wema-30, enyangeni yesine, ngelilanga lesihlanu, ngangisesemkhatsini walababetfunjiwe, ngasemfuleni iKhebari, kwavuleka emazulu, ngabona imibono yaNkulunkulu.

Hezekeli 10:15

Lamakherubhi ase ayaphakama. Loko-ke bekutidalwa letiphilako lengangitibone ngasemfuleni iKhebari.

Hezekeli 12:13

Ngiyakuyetsiya ngelinetha lami, futsi iyawubanjwa kulolo lugibe lwami; ngiyakuyiyisa eBhabhulona, eveni lemaKhaledi, kodvwa ngeke ilibone, ngulapho iyawufela khona.

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Hezekeli 3:15

Ngefika kulabatfunjiwe lababehlala eTheli Abibi ngasemfuleni iKhebari. Ngefika lapho bebahlala khona, ngahlala emkhatsini wabo emalanga lasikhombisa, ngimangele.

Hezekeli 3:22

Sandla saSimakadze sasisetikwami lapho, wakhuluma kimi, watsi: “Sukuma, uhambe uye etsafeni, ngitawakhuluma nawe lapho.”

Hezekeli 3:23

Ngako ngasukuma, ngahamba ngaya etsafeni. Inkhatimulo yaSimakadze yayime khona lapho, ifanana nenkhatimulo lengangiyibone ngasemfuleni iKhebari, ngakhotsama ngibhekise buso bami phansi.

Hezekeli 33:22

Ngayitolo kusihlwa lendvodza isengakefiki, sandla saSimakadze sasisetikwami, wavula umlomo wami ekuseni lendvodza isengakefiki. Ngako umlomo wami wavuleka, ngangabe ngisabindza.

Hezekeli 37:1

Sandla saSimakadze sasisetikwami, wangikhiphela ngaphandle ngaMoya waSimakadze, wangimisa ekhatsi nendzawo esigodzini. Lesigodzi sasigcwele ematsambo.

Hezekeli 40:1

Kwatsi ngemnyaka wema-25 sitfunjiwe, ekucaleni nje kwemnyaka, tilishumi enyangeni, ngemnyaka weli-14 emvakwekuwa kweJerusalema, ngalona lelo langa nje sandla saSimakadze sasisetikwami, wangitsatsa wangiyisa khona.

Hezekeli 43:3

Lombono lengawubona wawufanana nembono lengangiwubone, nakefika kutewubhubhisa lidolobha, uphindze ufanane nemibono lengangiyibone eceleni kwemfula iKhebari, ngawa ngibhekise buso phansi.

Hezekeli 8:1

Ngemnyaka wesitfupha, enyangeni yesitfupha, ngelilanga lesihlanu, ngisahleti endlini yami ngikanye nebaholi bakaJuda bahleti embikwami, sandla seNkhosi Simakadze sehlela etikwami khona lapho.

Danyela 10:4

Kwatsi ngelilanga lema-24 enyangeni yekucala, ngiseme elusentseni lwemfula lomkhulu iThigrisi,

Hoseya 1:1

Livi laSimakadze lelefika kuHoseya, umsa waBheri, ngesikhatsi sekubusa kwemakhosi bo-Uziya, naJothamu, na-Ahazi, naHezekiya, emakhosi akaJuda, nakubusa inkhosi Jerobowamu, umsa waJehoyashi, inkhosi yaka-Israyeli:

Joweli 1:1

Livi laSimakadze lefika kuJoweli, umsa waPhethuweli, latsi:

1 kuThimothi 4:1

Moya ukhuluma ngalokusebaleni kutsi ngetikhatsi tekugcina labanye bayawuhlubuka ekukholweni, balandzele imimoya ledukisako netimfundziso temadimoni.

2 yaPhetro 1:21

Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.