Hezekeli 1:28 - Siswati 1996 Bible

²⁸ Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 1:28 Referencias Cruzadas

Genesisi 17:3

Abrama wakhotsamisa buso bakhe, batsintsa phansi, Nkulunkulu watsi kuye:

Eksodusi 16:10

Watsi Aroni asakhuluma kubo, bagucuka babuka ngasehlane babona inkhatimulo yebukhosi baSimakadze ibonakala efini.

Eksodusi 16:7

Kusasa ekuseni nitawubona inkhatimulo yebukhona baSimakadze, ngobe ukuvile kukhonona kwenu ngaye. Tsine besiyini nje kutsi ningakhonona ngatsi?”

Eksodusi 24:16

Inkhatimulo yaSimakadze yahlala etikweNtsaba iSinayi, lifu layembesa kwaze kwaphela emalanga lasitfupha; kwatsi ngelilanga lesikhombisa Simakadze wamemeta Mosi asekhatsi efini.

Eksodusi 24:17

Ema-Israyeli lenkhatimulo yaSimakadze leyayembese leNtsaba ayibona ayifanisa nemlilo locotfulako.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 3:23

Ngako ngasukuma, ngahamba ngaya etsafeni. Inkhatimulo yaSimakadze yayime khona lapho, ifanana nenkhatimulo lengangiyibone ngasemfuleni iKhebari, ngakhotsama ngibhekise buso bami phansi.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Hezekeli 44:4

Lendvodza yase ingihola ngendlela yelisango langasenyakatfo ingiyisa embikwelithempeli. Ngatsi ngiyabuka, ngabona inkhatimulo yaSimakadze igcwalisa lithempeli laSimakadze, ngawa ngibhekise buso bami phansi.

Hezekeli 8:4

Lokubukhosi baNkulunkulu wema-Israyeli kwakulapho embikwami, njengasembonweni lengawubona etsafeni.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Imisebenti yebaPhostoli 9:4

Washayeka phansi, weva livi litsi kuye: “Sawula! Ye Sawula! Ungihluphelani?”

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 4:3

Nalowo labehleti kuso abenebuso lobukhatimulisa kwelitje lejasiphe nesadiyu; lesihlalo sebukhosi sasitungeletwe ngumushi wenkosazana lowawufanana nelitje leliluhlata leliligugu.

Tikhulu 13:20

Atsi lamalangabi asalanguka esuka lapha elatini acondze ezulwini, lengilosi yaSimakadze yagibela kulamalangabi yenyukela ezulwini. Batsi nabakubona loko, boManowa nemkakhe bawa phansi ngebuso, bakhotsama.