Hezekeli 1:26 - Siswati 1996 Bible

²⁶ Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Hezekeli 1:26 Referencias Cruzadas

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Isaya 54:11

“Awu, wena, dolobha lelihlushiwe lashaywa tivunguvungu langete ladvudvutwa, ngiyawukwakha ngematje lamahle, tisekelo takho ngitakhe ngemasafire.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Hezekeli 1:22

Lokwakwendlaleke ngetulu kwetinhloko taletidalwa kwakuyintfo leyayifanana nemkhatsi, kucwebetela njengangcocwane, futsi kwesabeka.

Hezekeli 1:5

ekhatsi kulowo mlilo kukhona lokwakufanana netidalwa letine letiphilako. Tatibonakala tinesimo semuntfu,

Hezekeli 10:1

Ngabuka, ngabona lokwakufanana nesihlalo sebukhosi sesafire kusetikwemkhatsi lowawungetulu kwetinhloko temakherubhi.

Hezekeli 43:6

Yatsi lendvodza iseme eceleni kwami, ngeva lomunye akhuluma kimi ngekhatsi ethempelini.

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Hezekeli 8:2

Ngabuka, ngabona intfo lenesimo semuntfu. Kusukela lapho lokwakungatsi kulukhalo lwakhe kuya phansi kwakunjengemlilo, kusukela elukhalweni lwakhe kuya etulu abebonakala shangatsi umanyatela njengekucwebetela kwelitfusi lelivutsako.

Danyela 10:18

Waphindza futsi lona labenjengemuntfu wangitsintsa, wanginika emandla.

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Zakhariya 6:13

Nguye-ke longuyena loyawukwakha lithempeli laSimakadze. Uyawukwembatsiswa bukhosi, futsi uyawuhlala esihlalweni sakhe sebukhosi abuse. Uyawuba ngumphristi esihlalweni sakhe sebukhosi. Futsi-ke kuyawuba nekuvana emkhatsini walababili.’

Matewu 25:13

“Ngako-ke lindzani, ngobe lilanga nemzuzu ningakwati.”

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

KumaHebheru 8:1

Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.

Sembulo 1:13

Emkhatsini wato kwakukhona labefanana neNdvodzana yemuntfu, embetse umjiva lomudze, abophe ngembhenso wegolide esifubeni sakhe.

Sembulo 14:14

Ngase ngibona lifu lelimhlophe, lona bekahleti etikwalo afanana neNdvodzana yemuntfu, anemchele wegolide enhloko yakhe, ngesandla sakhe aphetse lisikela lelikhaliphako.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Sembulo 5:13

Ngase ngiva tidalwa tonkhe nendalo yonkhe ezulwini, nasemhlabeni, nangephansi kwemhlaba, naselwandle, nako konkhe lokukuko, titsi: “Kuye lohleti esihlalweni sebukhosi, nakulo liWundlu, akube sibusiso, neludvumo, nebukhosi, nemandla, kuze kube phakadze naphakadze!”