Hezekeli 1:24 - Siswati 1996 Bible

²⁴ Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 1:24 Referencias Cruzadas

2 Emakhosi 7:6

ngobe Simakadze wenta emaSiriya eva shangatsi kuta umsindvo walenkhulu imphi yemahhashi netincola tawo, ase acabanga kutsi inkhosi yema-Israyeli seyimeme emakhosi emaHethi newemaGibhithe, nemabutfo awo kutsi atekuwahlasela.

Jobe 37:2

Lalela! Lalela kudvuma kwelivi lakhe, nalokugedletela lokuphuma emlonyeni wakhe.

Tihlabelelo 18:13

Simakadze wabhavumula asezulwini. Losetikwako Konkhe walivakalisa livi lakhe, kwehla sangcotfo nemalahle lavutsako.

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Hezekeli 10:5

Umsindvo wetimphiko temakherubhi wawungevakala khashane, ngisho nasesibuyeni sangephandle, njengelivi laNkulunkulu Somandla, nakakhulumako.

Hezekeli 3:13

Ngeva umsindvo wekutsintsana kwetimphiko tetidalwa letiphilako, nemsindvo wemasondvo lasemihlubulweni yato, lowawudvuma kakhulu njengekutamatama kwemhlaba.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Danyela 10:6

Umtimba wakhe wawufanana nelitje lekhrisolithe, buso bakhe bunjengembane, emehlo akhe anjengetidlwane letivutsa emalangabi, imikhono yakhe nemilente yakhe imengetela njengelitfusi lelilongiwe, livi lakhe lalinjengemsindvo wesicumbi.

Sembulo 1:15

Tinyawo takhe tatifanana nelitfusi lelilolongwe lacoliswa ngemlilo, livi lakhe lalifanana nekudvuma kwemanti lamanyenti.

Sembulo 19:6

Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.