Hezekeli 1:11 - Siswati 1996 Bible

¹¹ Babunjalo-ke buso bato. Timphiko tato tatendlalekele etulu; sisinye sasinetimphiko letinye letimbili, lunye luphiko lutsintsana neluphiko lwalesinye sidalwa ngala nangale, bese kutsi leti letinye timphiko letimbili tembese umtimba waso.

Hezekeli 1:11 Referencias Cruzadas

Isaya 6:2

Ngetulu kwakhe kwakunemaserafi amkhonta, ngulelo nalelo lalinetimphiko letisitfupha: ngetimphiko letimbili atimbonya buso bawo, ngaletimbili atimbonya tinyawo tawo, bese kutsi ngaleti letimbili abe andiza.

Hezekeli 1:23

Ngaphansi kwalomkhatsi timphiko tato tatendlalekele kuyawutsintsana todvwana, nguleso naleso sasinetimphiko letimbili letatembese umtimba waso.

Hezekeli 10:16

Kwakutsi lamakherubhi nakanyakata ahamba, nalamasondvo lasemihlubulweni yawo ahambe, kutsi lamakherubhi nakavula timphiko tawo afuna kundiza, esuke emhlabatsini, lamasondvo angete esuka lapha emihlubulweni yawo.

Hezekeli 10:19

Ngatsi ngisabukile, emakherubhi ase avula timphiko tawo, esuka lapha emhlabatsini, atsi asaphakama, nalamasondvo aphakama kanye nawo. Efika ema emnyango welisango langasemphumalanga lelithempeli laSimakadze, nenkhatimulo yaNkulunkulu wesive sema-Israyeli yayisetikwawo.