Hezekeli 1:10 - Siswati 1996 Bible

¹⁰ Buso bato babubukeka kanje: Nguleso naleso kuletidalwa letine sasinebuso bemuntfu, ngesekudla kwaso sinebuso belibhubesi, ngesancele sinebuso benkhomo, ngemuva sinebuso belusweti.

Hezekeli 1:10 Referencias Cruzadas

1 Tikhronike 12:8

Labanye besive sakaGadi bahlephuka balandzela Davide ngesikhatsi asenqabeni ehlane. Bekutingwazi letatinesibindzi, letatilungele kulwa imphi, tikwati ngisho nekubamba lihawu nesikhali. Buso bato bekubuso bemabhubesi, kantsi futsi tatigijima ngekushesha lokukhulu njengetinyamatane tetintsaba.

Jobe 39:27

Lona lusweti lundiza ngekutjelwa nguwe yini, luze lwakhe nesidleke salo etulu?

Taga 14:4

Umuntfu lote tinkhabi uhlala angenalutfo encolobaneni yakhe; kodvwa utawutfola sivuno lesihle nanetinkhabi.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Isaya 46:8

“Khumbulani loku, nime nicinile, nikufake etinhlitiyweni, nine bahlubuki.

Hezekeli 1:6

kodvwa nguleso naleso sasinebuso lobune netimphiko letine.

Hezekeli 10:14

Lilinye lalamakherubhi lalinebuso lobune: Bekucala buso kwakubuso belikherubhi, besibili kubuso bemuntfu, besitsatfu kubuso belibhubesi, besine kubuso belusweti.

Hezekeli 41:19

Nganhlanye kwakunebuso bemuntfu lobabubheke ngasesihlahleni selisundvu, bese kutsi ngakulesinye sihlahla selisundvu kubheke buso belibhubesi. Bekucoshwe kuyo yonkhe indzawo ethempelini.

Danyela 7:4

“Sekucala sasinjengelibhubesi, futsi sasinetimphiko telusweti: Ngabukisisa, taze timphiko taso tahleshulwa, lesilo saphakanyiswa emhlabatsini kuze sime ngetinyawo taso letimbili njengemuntfu, sase sinikwa inhlitiyo yemuntfu.

Numeri 2:10

“Ngaseningizimu kutawuba neticheme tenkambu lenesiboniso sebuve bakaRubeni. Umholi wesive sakaRubeni ngu-Elisuri, umsa waShedewuri.

Numeri 2:18

“Ngasenshonalanga kutawuba yinkambu yeticheme tesiboniso sebuve baka-Efrayimu. Umholi wesive saka-Efrayimu ngu-Elishama, umsa wa-Amihudi.

Numeri 2:25

“Ngasenyakatfo kutawuba yinkambu yeticheme takaDani. Umholi wesive sakaDani ngu-Ahiyezeri, umsa wa-Amishadayi.

Numeri 2:3

“Ngasemphumalanga kufanele kukambe ticheme tenkambu lenesiboniso sebuve bakaJuda. Umholi wesive sakaJuda nguNasoni, umsa wa-Aminadabi.

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,

Sembulo 4:7

Sidalwa sekucala sasifanana nelibhubesi, sesibili sifanana nelitfole, sesitsatfu sifanana nebuso bemuntfu, sesine sifanana nelusweti lolundizako.

Sembulo 5:5

Lelinye lalamalunga latsi kimi: “Ungakhali! Asubuke! INgwenyama yesive sakaJuda, lengumliba waDavide incobile. Yona-ke ingaticatulula letimphawu letisikhombisa ivule lencwadzi.”

Tikhulu 14:18

Latsi lingakashoni lilanga lesikhombisa, bantfu bakulelidolobha batsi kuye: “Yini lenongotela njengeluju? Yini lenemandla njengelibhubesi?” Samsoni watsi kubo: “Kube beningalimi ngalelitfokati lami, ngabe nanyalo anikasicombeleli lesiphicaphicwana sami.”