Hagayi 2:22 - Siswati 1996 Bible

²² Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Hagayi 2:22 Referencias Cruzadas

2 Tikhronike 15:6

Leso naleso sive sasincotjwa ngulesinye sive, lidolobha lincotjwe ngulelinye, ngobe Nkulunkulu abebahlupha ngato tonkhe tinhlobo tetinhlupheko.

2 Tikhronike 20:22

Batsi basacala kuhlabela nekudvumisa Simakadze, Simakadze wawavimbetela emadvodza aka-Amoni, newakaMowabi kanye newaseNtsabeni iSeyiri, labesangenele live lakaJuda; avele ehlulwa.

2 Tikhronike 20:23

Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

Tihlabelelo 46:9

Uvimba acedze timphi kutsi tichubeke emhlabeni wonkhe jikelele. Ufohlota butjoki, ephule sikhali, tincola atishise ngemlilo.

Tihlabelelo 76:6

Ngesikhahlo sakho, Nkulunkulu waJakobe, bagibeli nemahhashi behlelwe butfongo.

Eksodusi 14:17

Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.

Eksodusi 14:28

Emanti abuya ambonya tincola temphi, nebagibeli bemahhashi, nawo onkhe emabutfo aFaro labecosha ema-Israyeli. Kute nome munye lowasindza.

Eksodusi 15:19

Emahhashi aFaro, netincola takhe temphi kanye nebagibeli bakhe bemahhashi batseleka ekhatsi elwandle, Simakadze wase uyawayekela emanti, abuyela etikwabo abasibekela; kodvwa ema-Israyeli ewela lwandle, ahamba emhlabatsini lowomile.

Eksodusi 15:4

Tincola temphi taFaro nemabutfo akhe ukujikijele ekhatsi elwandle, tiphatsimandla takhe letikhetsiwe utiphonse eLwandle Lolubovu.

Isaya 19:2

“Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

Isaya 60:12

Ngobe sive nome umbuso longayiwuhlehla kuwe, uyakufa wona, uyawubhubha uphele.

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Hezekeli 21:27

Imbhubhiso! Imbhubhiso! Lelidolobha ngiyakulenta libe yimbhubhiso! Kodvwa kungeke kwenteke, aze yena efike lowo lokunguyena kungelakhe sibili; ngiyakulinika yena.’ ”

Hezekeli 26:16

Lapho-ke bonkhe labakhulu bemave langaselwandle bayawukwehlela phansi, besuka etihlalweni tabo tebukhosi, babeke eceleni imijiva yabo, bakhumule tembatfo tabo letihlotjisiwe. Bayawuhlala phansi emhlabatsini bembetse kwesaba, batfutfumela ngato tonkhe tikhatsi, bamangaliswe nguwe.

Hezekeli 38:21

Ngiyawumbitela inkemba Gogi, imelane naye kuto tonkhe tintsaba tami. Inkemba yalowo nalowo muntfu iyawumelana nemnakabo, kusho iNkhosi Simakadze.

Hezekeli 39:20

Edzilini lami niyawudla nize nidzabuke tisu yinyama yemahhashi neyebagibeli bawo, neyetingwazi letinemandla neyayo yonkhe inhlobo yetihlabani,’ kusho iNkhosi Simakadze.”

Danyela 8:25

Iyawuphumelelisa lokungemanga, ititsatse ngekutsi yona ingulongetulu. Bayawutsi nasebativela kutsi bavikelekile, ibabhubhise linyenti labo, imelane nembusi webaphatsi. Noko yona iyawubhujiswa, kodvwa hhayi ngemandla ebantfu.

Amose 2:15

Loyingcweti ekudubuleni ngebutjoki angeke akhone kucina, lisotja lelihamba phansi ngetinyawo lingeke libaleke, kanjalo nemgibeli welihhashi angeke akhone kusindzisa imphilo yakhe.

Mikha 5:10

Simakadze utsi: “Ngaleso sikhatsi ngiyakubulala emahhashi akho, ngibhubhise tincola nemahhashi ato.

Mikha 5:15

Ngekutfukutsela kwami lokukhulu ngiyakutenanela etiveni tonkhe letingazange tingilalele.”

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Mikha 5:9

Israyeli, titsa takho uyakutiphakamisela sandla utincobe, bonkhe labakutondzako bayawubhujiswa.

Mikha 7:16

Tive tiyawukubona loku, bese tiyagongonyeka, ngobe beticabanga kutsi tinemandla onkhe. Tiyawuvala imilomo yato, timbonye netindlebe tato ngenca yekujabha.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Zakhariya 10:11

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Zakhariya 12:9

Ngalelo langa ngiyawuphuma ngiyewubhubhisa tonkhe tive letihlasela iJerusalema.”

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Zakhariya 9:10

Ngiyawutisusa tincola temphi ka-Efrayimu, nemahhashi emphi ngiwesuse eJerusalema, nebutjoki bemphi buyakwephulwa. Inkhosi iyawumemetela kuthula etiveni. Kubusa kwayo kuyakwandza, kusuke elwandle kuyewugcina ngelwandle, kusuke eMfuleni kuyewugcina emikhawulweni yemhlaba.

Matewu 24:7

Ngobe sive siyawuvukela lesinye sive, nembuso uyawuvukela lomunye umbuso. Kuyawuba khona tindlala nekutamatama kwemhlaba tindzawo ngetindzawo.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

1 Samuweli 14:16

Tinhloli takaSawula tatsi tiyabuka tiseseGibeya kulakaBhenjamini, tabona emabutfo emaFilisti asakateka yonkhe indzawo.