Hagayi 2:15 - Siswati 1996 Bible

¹⁵ “ ‘Manje-ke, cabangisisani kahle ngaloku kusukela lamuhla kuye embili, bukisisani kutsi tintfo tatinjani kucala, kungakabekwa litje lelinye etikwalelinye ethempelini laSimakadze.

Hagayi 2:15 Referencias Cruzadas

Ezra 3:10

Batsi kube bakhi babeke sisekelo selithempeli laSimakadze, baphristi lababegcoke tembatfo tabo, baphetse emacilongo, bakanye nemaLevi, emadvodzana a-Asafa, labephetse bokhencekhence, bonkhe bema ngabolonina balungela kudvumisa Simakadze, njengobe kwakuvele kwahlelwa nguDavide, inkhosi yema-Israyeli.

Ezra 4:24

Ngako umsebenti wekwakha indlu yaNkulunkulu eJerusalema wema, kwaze kwaba ngumnyaka wesibili wekubusa kwaDariyusi, inkhosi yasePheresiya.

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Hagayi 1:5

Manje-ke, naku lokushiwo nguSimakadze longuSomandla, utsi: “Cabangisisani ngetindlela tenu.

Hagayi 1:7

Naku lokushiwo nguSimakadze longuSomandla, utsi: “Cabangisisani ngetindlela tenu.

Hagayi 2:16

Nakufika nome ngubani endvundvumeni yalokutinhlavu lokutilinganiso letingema-20, tatilishumi kuphela. Nangabe ngunome ngubani aye emphongolweni weliwayini atsi uyewukha tilinganiso letingema-50, betingema-20 kuphela.

Hagayi 2:18

‘Kusukela lamuhla, ngisho kusukela ngelilanga lema-24 lenyanga yemfica, cabangisisani kahle. Kusukela ngelilanga lesabekwa ngalo sisekelo sendlu yaSimakadze, cabangisisani kahle:

Zakhariya 8:10

Ngaphambili kwalawo malanga kwakute inkhokhelo yebantfu nome yetilwane. Kute namunye labengaphuma angene ngenca yesitsa sakhe, ngobe ngagucula wonkhe umuntfu kutsi emelane namakhelwane wakhe.

Zakhariya 8:11

Kodvwa nyalo ngingeke ngisayiphatsa lensali yalabantfu njengaloku ngake ngakwenta ngemalanga akucala,” kusho Simakadze longuSomandla.

KubaseRoma 6:21

Natfolani-ke ngekwenta leto tintfo leseninemahloni ngato nyalo? Phela siphetfo saleto tintfo kufa!

1 kubaseKorinthe 11:31

Kepha kube besitehlulela tsine ngalokufanele, besingeke sehlulelwe.