Hagayi 2:12 - Siswati 1996 Bible

¹² Nangabe umuntfu aphetse inyama leyehlukaniselwe Nkulunkulu ishumphetelwe engutjeni yakhe, bese kutsi lomphetfo wakhe utsintse sinkhwa, nome sitjulo, nome liwayini, nome emafutsa, nome lokunye nje kudla, kuyaye bese kuba ngulokwehlukaniselwe Nkulunkulu yini?’ ” Baphristi baphendvula, batsi: “Cha.”

Hagayi 2:12 Referencias Cruzadas

Eksodusi 29:37

Loku ubokwenta onkhe lamalanga lasikhombisa. Lelilati litawuba ngcwele ngalokuphelele; lowo nome loko lokulitsintsako kutawulinyatwa ngemandla ebungcwele balo.”

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Hezekeli 44:19

Nase baphumela esibuyeni lesingephandle, lapho kunebantfu khona, kufanele batikhumule letimphahla tabo bebatembetse nabakhontako, bese batishiya emakamelweni langcwele, bembatse letinye timphahla, kuze bangetiwulimata bantfu ngetimphahla tabo letingcwele.

Levithikusi 6:27

Umuntfu nome yini letsintsa inyama yalesilwane kuyawuba ngcwele. Nangabe ingati yalesilwane semhlatjelo ichaphateleke emphahleni nome engutjeni, kufanele igezelwe endzaweni lengcwele.

Levithikusi 6:29

Nome ngubani lomdvuna welusendvo lwebaphristi angawudla lomnikelo; ungcwelengcwele.

Levithikusi 7:6

Bonkhe labadvuna lababemndeni webaphristi bavunyelwe kuwudla lomnikelo. Kufanele udlelwe endzaweni lengcwele; ungcwelengcwele.

Matewu 23:19

Timphumphutse, ngukuphi lokubaluleke kakhulu, sipho nome lilati, lelenta sipho sibe ngcwele?

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.