Hagayi 1:8 - Siswati 1996 Bible

⁸ Khuphukelani etintsabeni niyewugawula khona tingodvo nitekwakha lendlu, kuze nami ngitewutijabulisa kuyo, ngidvunyiswe,” kusho Simakadze.

Hagayi 1:8 Referencias Cruzadas

1 Emakhosi 6:1

Emnyakeni wema-480 kusukela ema-Israyeli aphuma eGibithe, lekwakungumnyaka wesine inkhosi Solomoni yatsatsa sihlalo sebukhosi, ngenyanga yesibili lenguZivu, Solomoni wacala kwakha lithempeli laSimakadze.

1 Emakhosi 9:3

Simakadze wakhuluma kuye, watsi: “Ngiwuvile umthandazo wakho nekuncenga kwakho lokwente kimi; lelithempeli lolakhile sengilingcwelisile, ngekutsi ngibeke Libito lami lapho kulo phakadze naphakadze. Emehlo ami nenhlitiyo yami kuyawuhlala kulapho kulo ngaso sonkhe sikhatsi.

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

2 Tikhronike 7:16

Lelithempeli ngilikhetsile ngalehlukanisela kutsi Libito lami sale lihlala lapha phakadze naphakadze. Emehlo ami nenhlitiyo yami sekuyawuhlala kulapho kulo ngaso sonkhe sikhatsi.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Ezra 6:4

libe nemigca lemitsatfu yematje lamakhulu, ube munye wetingodvo. Tindleko takhona tiyawukhokhelwa sikhwama sebukhosi.

Eksodusi 29:43

Ngitabohlangana lapho nema-Israyeli; lendzawo bese ingcweliswa yinkhatimulo yami.

Isaya 60:13

“Tihlahla telikhetselo taseLebanoni tiyakuta kuwe, sipheshula, nemferi, nemsayipuresi konkhe kanyekanye, kutewuhlobisa indzawo yami lengcwele. Ngiyakuyikhatimulisa indzawo yetinyawo tami.

Isaya 60:7

Yonkhe imihlambi yaseKhedari iyawubutsanela kuwe, tihhanca takaNebayothi tiyawukukhonta, tibe ngiminikelo leyemukeleka elatini lami, ngiyawulihlobisa lithempeli leludvumo lwami.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Hagayi 1:7

Naku lokushiwo nguSimakadze longuSomandla, utsi: “Cabangisisani ngetindlela tenu.

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Hagayi 2:9

‘Inkhatimulo yalendlu lena itawuba yinkhulu kakhulu kunenkhatimulo yendlu yakucala,’ kusho Simakadze longuSomandla. ‘Futsi kulendzawo ngiyawuletsa kuthula,’ kusho Simakadze longuSomandla.”