Hagayi 1:4 - Siswati 1996 Bible

⁴ “Ngabe kambe ngiso yini lesi sikhatsi sekutsi nihlale etindlini letihlotjiswe kahle kakhulu, kube kantsi indlu yaSimakadze yona ibukeka itindzala nje?”

Hagayi 1:4 Referencias Cruzadas

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

2 Emakhosi 5:26

Kodvwa Elisha wakhuluma kuye, watsi: “Umoya wami bewungekho edvute nawe yini ngesikhatsi lendvodza yehla encoleni yayo itekuhlangabeta? Lesikhatsi lesi ngiso yini sikhatsi sekwemukela timali, netimphahla, nemasimi emncumo, netivini, nemihlambi yetimbuti, neyetimvu, neyetinkhomo, netinceku, netincekukati?

Tihlabelelo 102:14

Tinceku takho tiyitsandza ngisho nematje ayo; tihawukela lutfuli lwayo.

Tihlabelelo 74:7

Indlu yakho lengcwele tiyokhele ngemlilo, tayingcolisa lendzawo yelibito lakho, tayidzilita tacotfula imbokodvo nesisekelo.

Umshumayeli 3:3

sikhatsi sekubulala nesikhatsi sekuphilisa, sikhatsi sekubhidlita nesikhatsi sekwakha,

Jeremiya 22:14

Nako kulowo lokhuluma atsi: ‘Ngitatakhela sigodlo lesikhulu lesitawuba nemakamelo lamakhulu lasetulu.’ Ngako utentela emafasitelo lamakhulu kuso asembese ngemsedari, asihlobise nangalokubovu.

Jeremiya 26:18

“Mikha waseMoreshethi waphrofetha ngetikhatsi taboHezekiya, inkhosi yakaJuda. Watjela bonkhe bantfu bakaJuda watsi: ‘Naku lokushiwo nguSimakadze longuSomandla, utsi: “ ‘ISiyoni iyawulinywa njengensimi. IJerusalema iyawuba yincumbi yencintsakalo, intsaba yelithempeli ibe yindvundvuma lehlume lihlatsi letinchachabutane.’

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 33:10

“Naku lokushiwo nguSimakadze, utsi: ‘Ngalendzawo nitsi: “Lendzawo ilihlane lelingenalutfo, ayinabantfu nome tilwane.” Noko emadolobheni akaJuda nasetitaladini taseJerusalema letibhidlitiwe letingasahlalwa bantfu nome tilwane, kuyawuphindze kuvakale

Jeremiya 33:12

“Naku lokushiwo nguSimakadze longuSomandla, utsi: ‘Kulendzawo lelihlane lelingenabantfu netilwane, nakuwo onkhe emadolobha ayo kuyawuphindze kube nemadlelo, lapho iyawuphumulela khona imihlambi yetimvu neyetimbuti tebelusi.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Sililo 2:7

Simakadze ulilahlile lilati lakhe, wayishiya indzawo yakhe lengcwele. Unikele tibondza tetigodlo taseSiyoni etitseni; tamemeta kakhulu ekhatsi endlini yaSimakadze, kwaze kwaba shangatsi ngungelilanga lelidzili lelamiswa.

Sililo 4:1

Yeka legolide leseyilahlekelwe bucwebecwebe bayo, igolide lebeyicolisakele seyigucuke yafiphala. Ematje laligugu endlu lengcwele asasakateleke emaphetselweni ato tonkhe titaladi.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Levithikusi 19:25

Kodvwa ngemnyaka wesihlanu ningatidla titselo taso. Ngaleyo ndlela sivuno senu siyawukwandza. NginguSimakadze, Nkulunkulu wenu.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Hagayi 1:3

Livi laSimakadze lase liyefika ngemphrofethi Hagayi, latsi:

Hagayi 1:5

Manje-ke, naku lokushiwo nguSimakadze longuSomandla, utsi: “Cabangisisani ngetindlela tenu.

Hagayi 1:9

“Benilindzele sivuno lesikhulu, kodvwa navuna kuncane. Loko lenikubuyise ekhaya ngikuphuphutsile, kwahamba. Leni?” kusho Simakadze longuSomandla. “Ngenca yendlu yami lesolomane ihleti itindzala, ngalesikhatsi lapho kungulowo nalowo wenu aphishaneke ngeyakhe indlu.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

KubaseFiliphi 2:21

Ngobe bonkhe labanye batifunela kwabo, abafuni kona kwaJesu.