Hagayi 1:3 - Siswati 1996 Bible

³ Livi laSimakadze lase liyefika ngemphrofethi Hagayi, latsi:

Hagayi 1:3 Referencias Cruzadas

Ezra 5:1

Ngasona leso sikhatsi baphrofethi lababili, boHagayi naZakhariya, umsa wa-Ido, bacala kukhulumela Nkulunkulu waka-Israyeli emaJudeni naseJerusalema.

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Hagayi 1:2

“Naku lokushiwo nguSimakadze longuSomandla, utsi: Labantfu batsi: ‘Sikhatsi asikefiki sekutsi kwakhiwe kabusha indlu yaSimakadze.’ ”

Hagayi 1:4

“Ngabe kambe ngiso yini lesi sikhatsi sekutsi nihlale etindlini letihlotjiswe kahle kakhulu, kube kantsi indlu yaSimakadze yona ibukeka itindzala nje?”

Zakhariya 1:1

Ngenyanga yesiphohlongo emnyakeni wesibili wekubusa kwaDariyusi, livi laSimakadze lefika kumphrofethi Zakhariya, umsa waBherekhiya, umsa wa-Ido, latsi: