Hagayi 1:2 - Siswati 1996 Bible

² “Naku lokushiwo nguSimakadze longuSomandla, utsi: Labantfu batsi: ‘Sikhatsi asikefiki sekutsi kwakhiwe kabusha indlu yaSimakadze.’ ”

Hagayi 1:2 Referencias Cruzadas

2 Emakhosi 12:7

Ngako-ke inkhosi Jowashi yabita Jehoyada, umphristi, kanye nalabanye baphristi, yababuta, yatsi kubo: “Anilakhi ngani kabusha lelithempeli, lapho selihhihlike khona? Ningasaphindzi-ke nitsatse imali kubagcini betimali, kodvwa niboyendlulisela ekwakhiweni kabusha kwelithempeli.”

Ezra 4:23

Yatsi kube lencwadzi ya-Athazeksesi, inkhosi, ifundzelwe Rehumi, naShimshayi, labengumabhalane, kanye nebangani babo, bavele basukumela etulu balibangisa kuwo emaJuda labeseJerusalema bayakuwaphocelela ngenkhani kutsi ayekele.

Nehemiya 4:10

Bantfu bakaJuda batsi: “Emandla alaba labakhako asayaphela, kantsi kusenemfuhlululu lenyenti kakhulu, singeke sikhone kuluvusa kabusha lolubondza.”

Taga 22:13

Livila litsi: “Kunelibhubesi lapha ngaphandle; ngitawutsi ngiyaphuma lingidle.”

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Umshumayeli 11:4

Lowo lonaka umoya angeke aze ahlanyele; nalowo lolindzela emafu emvula angeke aze avune.

Umshumayeli 3:3

sikhatsi sekubulala nesikhatsi sekuphilisa, sikhatsi sekubhidlita nesikhatsi sekwakha,

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Hagayi 1:3

Livi laSimakadze lase liyefika ngemphrofethi Hagayi, latsi:

Numeri 13:31

Kodvwa lamadvodza labenyuke naye akhuluma atsi: “Singeke sikhone kulwa nalabantfu; bacinile kunatsi.”